ပါကစ္စတန်နိုင်ငံ၏ ငွေကြေးဖောင်းပွမှုနှုန်းသည် ထိန်းချုပ်နိုင်ခြင်း မရှိသေးဘဲ ယင်းသည် ၉ ဒသမ ၂ ရာခိုင်နှုန်းကနေ ၁၁ ဒသမ ၅ ရာခိုင်နှုန်းသို့ မြင့်တက်ထားခဲ့ကြောင်း သိရသည်။ ယင်းသည် နှစ်နှစ်နီးပါးအတွင်း အမြင့်ဆုံးအတိုင်းအတာလည်း ဖြစ်သည်။
Consumer Price Index (စားသုံးသူဈေးဆနှုန်း) ဖြင့် တိုင်းတာသည့် ငွေကြေးဖောင်းပွမှုနှုန်းက လပေါင်း ၂၀ အတွင်း ယင်း၏ အမြင့်ဆုံးလယ်ဗယ်ကို မြင့်တက်ခဲ့သည်။ အဆိုပါ လ ၂၀ ကာလတွင် ကမ္ဘာ့ရေနံဈေးနှုန်းများက မရပ်မနား တက်နေခဲ့ပြီး ကနဦးရရှိထားခဲ့သည့် တိုးတက်မှုများကို တိုက်စားနေခဲ့ကြောင်း Dawn က ဖော်ပြသည်။
တချိန်တည်းမှာပင် လတ်ဆတ်သော ဟင်းသီးဟင်းရွက်များ၊ သစ်သီးများနှင့် အသားတို့၏ ဈေးနှုန်းများက အဓိကကျသည့် မြို့ပြနှင့် ကျေးလက်ဒေသများတွင် ဆက်တိုက် မြင့်တက်နေခဲ့သည်။
ဇူလိုင်-နိုဝင်ဘာ ကာလအတွင်း ပျမ်းမျှ ငွေကြေးဖောင်းပွမှုနှုန်းက နှစ်အလိုက် အခြေခံအားဖြင့် ၉ ဒသမ ၃၂ ရာခိုင်နှုန်းကို မြင့်တက်ခဲ့သည်။
စိုက်ပျိုးရေးထုတ်ကုန်များ၏ ဈေးနှုန်းများ ကျဆင်းမှုကြောင့် ၂၀၂၀ ဖေဖေါ်ဝါရီလတွင် ငွေကြေးဖောင်းပွမှုနှုန်းသည် ၁၂ ဒသမ ၄ ရာခိုင်နှုန်းထိ မြင့်တက်ခဲ့ပြီးနောက် ယင်းသည် ပြန်လည် စတင်ကျဆင်းခဲ့သည်။ သို့သော် ထိုလားရာက ယခုအခါ ပြောင်းပြန်ဖြစ်နေခဲ့ပြီး ရေနံထုတ်ကုန်များ၏ ဈေးနှုန်းများ တက်မှုကြောင့် ယင်းက ပြန်လည်မြင့်တက်နေခဲ့ခြင်းဖြစ်သည်။
၂၀၂၀-၂၁ တွင် နှစ်အလိုက် CPI ငွေကြေးဖောင်းပွမှုကို ၈ ဒသမ ၉၀ ရာခိုင်နှုန်းဖြင့် မှတ်တမ်းတင်ထားခဲ့ပြီး ယင်းကို ယခင်နှစ်က ၁၀ ဒသမ ၇၄ ရာခိုင်နှုန်းဖြင့် နှိုင်းယှဥ်နိုင်သည်။
လက်ရှိတွင် ပါကစ္စတန် အစိုးရသည် စိုက်ပျိုးရေး ချေးငွေများ ကမ်းလှမ်းခြင်းအားဖြင့် စားနပ်ရိက္ခာ ကုန်ဈေးနှုန်းတက်မှုကို တန်ပြန်ရန်အလို့ငှာ စားစရာ ဖူလုံမှုနှင့် မိမိဘာသာ လုံလောက်နိုင်မှုတို့အတွက် စိုက်ပျိုးရေးဆိုင်ရာ ထုတ်လုပ်မှုကို တိုးမြှင့်ရန် ရည်မှန်းလုပ်ဆောင်နေသည်။