ဒီဇင်ဘာလ ၁၅ ရက်
ရှမ်းပြည်နယ်မြောက်ပိုင်း၊ကွတ်ခိုင်မြို့နယ်တွင် ယမန်နေ့ ဒီဇင်ဘာလ ၁၄ ရက် ညပိုင်းက ကွတ်ခိုင်ဆေးရုံအုပ် ဒေါ်ဝင့်ဝင့်မြိုင် သေနတ်ဖြင့် ပစ်ခတ်ခံရပြီး သေဆုံးသွားကြောင်း ဒေသခံထံက သိရသည်။
ဒေါ်ဝင့်ဝင်မြိုင်မှာ တာမိုးညဲမြို့နယ် မုံစီးရွာတွင် ကာကွယ်ဆေးသွားရောက်ထိုးနှံပြီးအပြန် ညဘက်တွင် ပစ်ခံခဲ့ရခြင်းဖြစ်ကြောင်း ဒေသခံတစ်ဦးကပြောသည်။
"တာမိုးညဲ၊ မုံးစီးဘက် ကာကွယ်ဆေးသွားထိုးပြီး ပြန်လာတော့ လမ်းမယ် ည ၇ နာရီဝန်းကျင်လောက်ဖြစ်မယ်။ ဘယ်လက်နက်ကိုင်တွေလဲ မသိ လာပစ်သွားတာ။ ပွဲချင်းပြီးပဲ။ အခုတော့ ဆေးရုံကို အလောင်းပြန်ယူလာတယ် " ဟု ၎င်းက ပြောသည်။
ဒေါ်ဝင့်ဝင့်မြိုင်သည် ကွတ်ခိုင်ဆေးရုံတွင် တာဝန်ထမ်းဆောင်နေသည်မှာ နှစ်ကြာပြီဖြစ်ပြီး အာဏာသိမ်းအစောပိုင်းကာလများတွင် CDM ဝန်ထမ်းများကို ဖိနှိပ်မှုများ ပြုလုပ်ခဲ့သူဖြစ်ကြောင်း သိရသည်။
