အထူးသဖြင့် တောင်တရုတ်ပင်လယ်အရေးကိစ္စနှင့် ပတ်သက်၍ တရုတ်၏ ခြိမ်းခြောက်သည့် သဘောထားမှာ ဒေသတွင်းနိုင်ငံများက တရုတ်၏ ရပ်တည်ချက်ကို ဂရုမစိုက်မှုကြောင့် ဆန့်ကျင်ဘက် အကျိုးသက် ရောက်မှုကို ခံစားနေရသည်။
ပြီးခဲ့သောနှစ်အနည်းငယ်အတွင်း တရုတ်က တောင်တရုတ်ပင်လယ်ရှိ စပါတလေနှင့် ပါရာစယ်ကျွန်းများတွင် ပိုင်ဆိုင်ကြောင်း အခိုင်အမာပြောကြားခဲ့သည်ဟု နိုင်ငံတကာအခွင့်အရေးနှင့် လုံခြုံရေးဖိုရမ် (IFFRAS) က ဆိုသည်။
တောင်တရုတ်ပင်လယ်ရှိ ကျွန်းများကို ပိုင်ဆိုင်ကြောင်း ထိုင်ဝမ်၊ ဗီယက်နမ်၊ ဘရူနိုင်း၊ အင်ဒိုနီးရှားနှင့် မလေးရှားတို့ကလည်း တောင်းဆိုထားကြသည်။
ထို့ပြင် တရုတ်က နယ်မြေပိုင်ဆိုင်မှု တောင်းဆိုမှုရာတွင် အိမ်နီးချင်းနိုင်ငံများအပေါ် ရန်လိုသော သဘောထားကို ပြသခဲ့သည်။
ဖိလစ်ပိုင်သာမက တောင်တရုတ်ပင်လယ်အငြင်းပွားမှုတွင် ပါဝင်ပတ်သက်နေသည့် အခြားသော အရှေ့တောင် အာရှနိုင်ငံများကလည်း တရုတ်၏ ရန်စမှုများကို ကန့်ကွက်ခဲ့ကြသည်။
အမေရိကန် ကာကွယ်ရေးဌာန၏ အဆိုအရ တရုတ်သည် စပါတလေကျွန်းစုတွင် ၂၀၁၃ခုနှစ်ကတည်းက မြေဧက အသစ် ၃၂၀ဝ ကို ဖန်တီးခဲ့သည်။
အစောပိုင်းတွင် ဖိလစ်ပိုင်သည် သည်ဟတ်ဂ်မြို့ ရှိ အမြဲတမ်း အနုညာတခုံရုံး၌ တရုတ်ကို တရားစွဲခဲ့သည်။
ထို့ပြင် တရုတ်နိုင်ငံသည် ပင်လယ်ပြင်ပိုင်ဆိုင်ခွင့်ကို တောင်းဆိုပိုင်ခွင့်မရှိဟု ၂၀၁၆ ခုနှစ်တွင် ခုံရုံးက အမိန့် ချမှတ်ခဲ့ပြီး တရုတ်သည် ကျွန်းများတည်ဆောက်ခြင်းဖြင့် နိုင်ငံတကာဥပဒေကို ချိုးဖောက်ခဲ့ကြောင်း လေ့လာ တွေ့ရှိခဲ့သည်။
