နိုဝင်ဘာ ၁၉
ဧရာဝတီတိုင်း ပုသိမ်မြို့တွင် အထည်ချုပ်စက်ရုံတစ်ခုမှ ဖယ်ရီယာဉ်တစ်စီးမှာ ပုသိမ်တံတားအမှတ်(၂) အဆင်းတွင် တိမ်းမှောက်ရာ လူ နှစ်ဦးသေဆုံးမှု နိုဝင်ဘာလ ၁၉ရက်နေ့ ည ၇နာရီ ၄၅မိနစ်ခန့်က ဖြစ်ပွားခဲ့သည်။
“ကားက အကွေ့မှာ ထိန်းမရဘဲ သုံးပတ်လောက်လိမ့်သွားပြီးတော့ တစ်ဖက်လမ်းထဲကိုပါရောက်သွားပြီး မှောက်သွားတာ၊ ပရဟိတအဖွဲ့တွေ ရောက်လာပြီး လာခေါ်ကြတယ်။ နှစ်ယောက်ကတော့ အဲ့မှာပဲ ဆုံးသွားတယ်၊ ထိခိုက်ဒဏ်ရာပြင်းတဲ့သူက သုံးယောက်လောက်ရှိတယ်။ အားလုံးပေါင်းဆို ၁၀ယောက်လောက်ရှိတာ၊ လူအရေအတွက်တော့ တိတိကျကျမသိဘူး”ဟု အခင်းဖြစ်စဉ်နေရာကို ရောက်ရှိခဲ့သူ တစ်ဦးကပြောသည်။
ထိခိုက်ဒဏ်ရာပြင်းထန်သူများကို ပုသိမ်ဆေးရုံကြီးကို ပို့ဆောင်ပေးထားပြီး အသေးစိတ်ကိုစုံစမ်းနေဆဲဖြစ်သည်။
