အာရှ-ပစိဖိတ် စီးပွားရေး ပူးပေါင်းဆောင်ရွက်မှု (APEC) လှုပ်ရှားမှုများတွင် ထိုင်ဝမ်၏ ပါဝင် ဆောင်ရွက်မှုသည် 'တရုတ်တစ်နိုင်ငံ' မူဝါဒအပေါ် အခြေပြုရမည်ဟု တရုတ်ကွန်မြူနစ်ပါတီက ပြောကြာလိုက်ခြင်းနှင့် ပတ်သက်၍ ထိုင်ဝမ်က မိမိတို့၏ ပြည်တွင်းရေးကို 'ဝင်ရောက်စွက်ဖက်ခြင်း'အတွက် တရုတ်အစိုးရကို နိုဝင်ဘာ ၁၁ ရက်တွင် ပြစ်တင်ရှုတ်ချခဲ့သည်။
"တရုတ်၏မှားယွင်းသောထုတ်ပြန်ချက်များသည် APEC ၏ စိတ်ဓာတ်ကို ဆိုးရွားစွာထိခိုက်စေသည်" ဟု ထိုင်ဝမ်နိုင်ငံခြားရေးဌာနမှ ပြောကြားခဲ့ပြီး တရုတ်ပြည်၏ "မလျော်ကန်သော နိုင်ငံရေးလုပ်ဆောင်မှုများကို
ရပ်ရန်" နှင့် APEC ဆိုင်ရာအစည်းအဝေးများတွင် ထိုင်ဝမ်၏ ပါဝင်မှုကို မစွက်ဖက်သင့်ကြောင်း ထပ်မံ ပြောကြားခဲ့သည်။
ပေကျင်း၏ ထိုင်ဝမ်ရေးရာရုံးမှ ပြောရေးဆိုခွင့်ရှိသူ ကျူဖင်လင်းက APEC လှုပ်ရှားမှုများတွင် “ထိုင်ဝမ်ဒေသ” ပါဝင်မှုသည် “တရုတ်တစ်နိုင်ငံ” မူဝါဒအပေါ် အခြေခံရမည်ဟု ပြောကြားပြီးနောက် တစ်ရက်အကြာတွင် အဆိုပါတုန့်ပြန်မှုများ ထွက်ပေါ်လာခြင်းဖြစ်ကြောင်း Taiwan News က ဖော်ပြခဲ့သည်။
ထိုင်ဝမ်သည် ၁၉၉၁ ခုနှစ်တွင် APEC သို့ ဝင်ရောက်ခဲ့ပြီးကတည်းက စီးပွားရေးနှင့် ကုန်သွယ်မှု ဖိုရမ်တွင် တင်းပြည့်အဖွဲ့ဝင်အဖြစ် ပါဝင်ခဲ့ကြောင်း ထိုင်ဝမ် နိုင်ငံခြားရေး ဝန်ကြီးဌာန (MOFA) မှ ထုတ်ပြန်ချက်တွင် ဖော်ပြထားသည်။
“ထိုင်ဝမ်က တန်းတူညီသည့် အနေအထားကိုနှစ်သက်ပြီး အဖွဲ့ဝင်အားလုံးနှင့် တူညီသည့် တာဝန်များရှိပါသည်။ APEC တွင် ထိုင်ဝမ်၏ ပါဝင်မှုကို ခွင့်ပြုသည့် သဘောတူညီချက်တွင် 'တရုတ်တစ်နိုင်ငံတည်း' မူဝါဒ မရှိကြောင်း MOFA မှ ပြောကြားခဲ့ကြောင်း Taiwan News တွင် ဖော်ပြထားသည်။
ထိုင်ဝမ်သည် တရုတ်ပြည်၏ လက်အောက်ခံ ပြည်နယ်ဖြစ်ကြောင်း "ထင်ယောင်ထင်မှားဖန်တီးမှု" တွင် "တရုတ်တစ်နိုင်ငံတည်း" မူဝါဒကို လက်ခံရန်တောင်းဆိုခြင်းနှင့် တရုတ်၏ သမိုင်းဝင်ဖြစ်ရပ်မှန်များကို လိမ်လည်ရန် ကြိုးပမ်းမှုများကို ပယ်ချကြောင်းလည်း ဝန်ကြီးဌာနက ထုတ်ပြန်ခဲ့သည်။
ထိုင်ဝမ်သည် တရုတ်ပြည်၏ အစိတ်အပိုင်းမဟုတ်သလို တရုတ်ကွန်မြူနစ်ပါတီသည် ထိုင်ဝမ်ကို တစ်ရက်ပင် မအုပ်ချုပ်ဖူးပေ။
တရုတ်ပြည်သည် နိုင်ငံတကာဇာတ်ခုံတွင် ထိုင်ဝမ်ကို ကိုယ်စားပြုခွင့်မရှိကြောင်း ထိုင်ဝမ်သတင်းက MOFA ကို ကိုးကား၍ ဖော်ပြခဲ့သည်။
