"သွေးစွန်းပညာရေးအားမပေးအဆုံးထိတော်လှန်ပေး" ခေါင်းစဉ်ဖြင့် ယနေ့ နိုဝင်ဘာလ ၁၀ ရက်နေ့က ရန်ကုန်မြို့တစ်နေရာတွင် စစ်အာဏာရှင်ဆန့်ကျင်ရေး ချီတက်ဆန္ဒပြခဲ့သည်။
ထိုသပိတ်တွင် LGBT သပိတ်စစ်ကြောင်း၊ ကြည့်မြင်တိုင် သပိတ်စစ်ကြာင်း၊ စမ်းချောင်းပင်မ သပိတ်စစ်ကြောင်း၊ အလုပ်သမားအဖွဲ့အစည်းတို့မှ ဦးဆောင်ကာ ချီတက်ဆန္ဒပြခြင်း ဖြစ်သည်။
ပြည်သူလူထုထံ လှုံ့ဆော်သည့်မိန့်ခွန်းတွင် "ခေတ်အဆက်ဆက်မှာ ကျွန်တော်တို့ ကျောင်းသားပြည်သူတွေဟာ အသက်တွေသွေးတွေပေးဆပ်ပြီး အာဏာရှင်ကိုတော်လှန်ခဲ့တယ်။
ဒီလို အသက်ပေးထားပြီး သွေးနဲ့လမ်းခင်းထားကြတဲ့ ကျောင်းသား ပြည်သူ ရဲဘော်တွေအပေါ်သစ္စာရှိခြင်းအားဖြင့် ကျနော်တို့ ဟာ ကျောင်းမတက်ခြင်း အခွန်မဆောင်ခြင်း ဘူးသပိတ် ပြုလုပ်ခြင်းဖြင့် စစ်ကောင်စီကို ကျွန်တော်တို့အောင်ပွဲအဆုံးထိတော်လှန်ဖို့လိုပါတယ်" ဟုဆိုကာ စစ်ကျွန်ပညာရေးကိုအားမပေးဖို့ လှုံ့ဆော်ခဲ့ကြသည်။