တရုတ်-ပါကစ္စတန် စီးပွားရေးစင်္ကြံ(CPEC) သည် တရုတ်၏ “ခါးပတ်လမ်းစီမံကိန်း” ၏ အုတ်မြစ်ဖြစ်ရန် ရည်မှန်းထားသော်လည်း ပါကစ္စတန်အစိုးရသည် ဖြစ်ပေါ်လာမည့်ကိစ္စရပ်များကို မဖြေရှင်းနိုင်ခြင်းကြောင့် သိသာထင်ရှားသော နှောင့်နှေးကြန့်ကြာမှုများနှင့် ရင်ဆိုင်နေရသည်။
ယင်းအခြေအနကြောင့် ပါကစ္စတန်၏ ရုန်းကန်နေရသော စီးပွားရေးတွင် တရုတ်ရင်းနှီးမြှုပ်နှံသူများက ဘီလီယံနှင့်ချီသော ငွေများ ထပ်ထည့်ရန် မဖြစ်နိုင်သေးပေ။
ပြည်တွင်းမီဒီယာများ၏ အဆိုအရ သြဂုတ်လတွင် ချမှတ်ခဲ့သော ဆုံးဖြတ်ချက်အများစုကို ပါကစ္စတန်-တရုတ် ဦးဆောင်ကော်မတီက အကောင်အထည်မဖော်ခဲ့ပေ။
ဩဂုတ်လကုန်တွင် CPEC လျှပ်စစ်ဓာတ်အားပေးရေးစီမံကိန်း ၅ ခုအထိ ပြုလုပ်ရန် စီစဉ်ထားကြောင်း Express Tribune က ဖော်ပြခဲ့သည်။
ထို့ကြောင့် နှောင့်နှေးမှုများအတွက် ရင်းနှီးမြှုပ်နှံသူများသည် ဒဏ်ငွေပေးဆောင်ရမည်ဟု ခြိမ်းခြောက် ခံနေရသလို ယင်းနှောင့်နှေးမှုများက တရုတ်ရင်းနှီးမြှုပ်နှံသူများကို စိတ်ပျက်စေပြီး ယင်းကဲ့သို့ ဖြစ်ခြင်းအပေါ် မကျေမနပ်ပြောဆိုနေကြသည်။
ခါးပတ်လမ်းစီမံကိန်း၏ အခြေခံအုတ်မြစ်တစ်ခုဖြစ်သော CPEC သည် အိမ်နီးချင်း အိန္ဒိယကို မကြာခဏ ပစ်မှတ်ထားပြီး အထူးသဖြင့် ဂျမူးနှင့် ကက်ရှ်မီးယားရှိ အကြမ်းဖက်အဖွဲ့အစည်းများကို ပံ့ပိုးပေးနေသည်။
ပါကစ္စတန်တွင် တရုတ်က ဘီလီယံပေါင်းများစွာ ရင်းနှီးမြှုပ်နှံထားသည်။