ကမ္ဘာတစ်ဝှမ်းရှိ ဆိုက်ဘာတိုက်ခိုက်မှုဒါဇင်ပေါင်းများစွာ၏ နောက်ကွယ် ၌ရှိနေသည်ဟု ယူဆရသော တရုတ်အကြွေးဝယ်ကဒ် ဖတ်စက်ကုမ္ပဏီတစ်ခု၏ ဖလော်ရီဒါပြည်နယ်ရှိရုံးများကို FBI မှ စုံစမ်းစစ်ဆေးသူများက ဝင်ရောက်စီးနင်းခဲ့သည်။

ငွေပေးချေမှုလုပ်ဆောင်ပေးသည့် စက်ပစ္စည်းများပြုလုပ်သော PAX Technology ကုမ္ပဏီသည် နိုင်ငံပေါင်း ၁၂၀ ၌ ၎င်းတို့ပစ္စည်း သန်း ၆၀ ကျော်ကို အသုံးနေကာ ၂၀၂၀ ခုနှစ်၌ အမေရိကန်ဒေါ်လာ ၇၂၇ သန်း ဝင်ငွေရရှိခဲ့သည်။

အမေရိကန်နှင့် ဥရောပအဖွဲ့အစည်းများနှင့် သက်ဆိုင်သည့် ဆိုက်ဘာတိုက်ခိုက်ခံရမှုများတွင် PAX ကုမ္ပဏီ ၏ စနစ်ကို အသုံးပြုခဲ့သည်ဟူသော အစီရင်ခံစာများနှင့်ဆက်စပ်၍ ဂျက်ခ်ဆင်ဗေးမြို့ရှိ ရုံးခန်းစီးနင်းမှုကို ပြုလုပ်သည်ဟု ယုံကြည်ရသည်။

ဒေသတွင်းရှိ PAX Technology ကုန်လှောင်ရုံကို FBI နှင့် ပြည်တွင်းလုံခြုံရေးဌာနမှ တာဝန်ရှိသူများသည် ဝင်ရောက် စီးနင်းခဲ့သည်ဟု WOKV ရေဒီယိုက ကြေညာခဲ့သည်။

အောက်တိုဘာ ၂၇ တွင် အမေရိကန်စည်းကမ်းထိန်းသိမ်းရေးအဖွဲ့များက အမေရိကန်ဈေးကွက်ရှိ နိုင်ငံပိုင်ကုမ္ပဏီကြီး ၃ ခုအနက် တစ်ခုဖြစ်သော တရုတ်ဆက်သွယ်ရေးကုမ္ပဏီ Telecom Ltd. ကို ပြည်နယ်ဒဏ်ပေးမည်ဖြစ်ကြောင်း ကြေညာချက်ထုတ်ပြန်ခဲ့သည်။ အမေရိကန်သည် တရုတ်နှင့် ဆက်ဆံရေးတင်းမာမှုမြင့်တက်နေသည့်ကြားက အဆိုပါကုမ္ပဏီများအား အမျိုးသား လုံခြုံရေးခြိမ်းခြောက်မှုတစ်ရပ်အဖြစ် ထုတ်ဖော်ပြောဆိုထားသည်။

ဖက်ဒရယ်ဆက်သွယ်ရေးကော်မရှင် (FCC) ၏ အောက်တိုဘာ ၂၆ ရက်က အတည်ပြုထားသော အမိန့်အရ China Telecom Americas Corp. ကုမ္ပဏီသည် အမေရိကန်ပြည်ထောင်စုတွင် ပြည်နယ်အချင်းချင်းနှင့် နိုင်ငံတကာဝန်ဆောင်မှုများကို ရက်ပေါင်း ၆၀ အတွင်း ရပ်တန့်ရမည်ဖြစ်သည်။

တရုတ်သည် အမေရိကန်ဆက်သွယ်ရေးများကို ခိုးနားထောင်ရန်သို့မဟုတ် နှောင့်ယှက်ရန် ကုမ္ပဏီများအား အသုံးချနိုင်ကြောင်းနှင့် အမေရိကန်ကို သူလျှိုလုပ်ခြင်းနှင့် အခြားအန္တရာယ်ဖြစ်စေသောလှုပ်ရှားမှုများကို လုပ်ဆောင်နိုင်ကြောင်း စသည့်အန္တရာယ်များကို FCC က ကိုးကားပြခဲ့သည်။