နိုဝင်ဘာ ၁
စစ်အာသိမ်းယူသည့် ဖေဖော်ဝါရီလပိုင်းက စတင်ကာ စစ်ကောင်စီတပ်များခြေကုပ်ယူထားသော ရန်ကုန်မြို့တော်ခန်းမအရှေ့ရှိ မဟာဗန္ဓုလပန်းခြံကို ယနေ့ နိုဝင်ဘာ ၁ရက်တွင် ပြန်လည်ဖွင့်လှစ်ပေးခဲ့ခြင်းဖြစ်သည်။
ပန်းခြံပြန်လည်ဖွင့်လှစ်ပြီဆိုသော်လည်း ဝင်ရောက်လည်ပတ်သူ အနည်းငယ်သာရှိနေသည်။
"ပန်းခြံသာဖွင့်လိုက်တာ သူတို့က မြို့တော်ခန်းမဘက်အခြမ်းမှာ စစ်ကားတွေရောအင်အားရော ချထားတော့မသွားရဲဘူး။ ပစ်ရယ်ခတ်ရယ်ဆို မပြေးနိုင်ဘူး။ "ဟု ရန်ကုန်မြို့နေပြည်သူတစ်ဦးက ရှင်းပြသည်။
ယနေ့ နိုဝင်ဘာ ၁ ရက်တွင်စစ်ကောင်စီက အများပြည်သူနှင့်သက်ဆိုင်သောအပန်းဖြေနေရာအချို့ကို ပြန်လည်ဖွင့်လှစ်ပေးခဲ့သလို အခြေခံပညာကျောင်းများအားလုံးကို ပြန်လည်ဖွင့်လှစ်ပေးခဲ့သည်။
