နိုဝင်ဘာ ၁
"ထန်တလန် ကိုရှို့တဲ့မီး တပြည်လုံးရင်ကိုလောင်တယ်ဟေ့"ခေါင်းစဉ်ဖြင့် လှုံ့ဆော်ဆန္ဒပြပွဲကို ယနေ့ နိုဝင်ဘာလ ၁ ရက်နေ့ ညနေ ၄ နာရီဝန်းကျင်က ရန်ကုန်မြို့တစ်နေရာတွင် ပြုလုပ်ခဲ့သည်။
တကသကျောင်းသားများ၊ OCTOPUSများ၊ LGBT Alliance၊ မြို့နယ်သပိတ်ကော်မတီများ၊ Labour Alliance အဖွဲ့တို့ ပူးပေါင်းကာ ထန်တလန်မြို့သူမြို့သားများနှင့်အတူ ရပ်တည်ပြီး စစ်ကောင်စီဖြုတ်ချရေးအတွက် ဆန္ဒပြခဲ့ခြင်းဖြစ်သည်။
"ဒီနေ့ ကျွန်တော်တို့ သပိတ်ထွက်ဖြစ်ပါတယ်၊ ထွက်ဖြစ်တဲ့အကြောင်းအရင်းက ရှင်းပါတယ်။ ကျွန်တော်တို့နိုင်ငံရဲ့အာဏာကိုအောက်တန်းကျတဲ့နည်းနဲ့ယူထားစစ်ကောင်စီကို ကျွန်တော်တို့က ဒီလိုအကြမ်းဖက်ယုတ်မာမှုတွေကိုလက်မခံနိုင်ဘူး၊ ကျွန်တော်တို့ ဒီမိုကရေစီတိုက်ပွဲမှာဆိုရင်လည်း တောင်တန်း ပြည်မ ညီညွတ်ကြစေဆိုတဲ့ခံယူချက်နဲ့ တောတွင်းလက်နက်ကိုင်တွေ(ထားပါတော့ဗျာ) တိုင်းရင်းသားလက်နက်ကိုင်တွေဆိုရင်လည်း စစ်ဘေးဒုက္ခကိုခံခဲ့တာ နှစ်ပေါင်းများစွာကြာခဲ့ပေမယ့်လည်း နိုင်ငံအာဏာသိမ်းမှူဖြစ်တဲ့အချိန်မှာ ကျွန်တော်တို့ပြည်သူပြည်သားတွေနဲ့တစ်သွေးထဲတစ်သားထဲ သူတို့ကိုယ်တိုင်ကအစ တိုက်ပွဲဝင်ပေးနေတာဖြစ်တဲ့အတွက် ဒီတောင်တန်းဒေသကိုထိလာတော့လည်း ကျွန်တော်တို့ပြည်မက ဆတ်ဆတ်ခါအောင် အသဲနာတယ်ဆိုတဲ့စိတ်နဲ့ လမ်းပေါ်ထွက်လာကြတာပါ" ဟု သပိတ်ဦးဆောင်သူတစ်ဦးက မဇ္စျိမကို ပြောသည်။
Video - Ye Nyi Htet