အောက်တိုဘာလ ၂၈ ရက်
၂၀၂၀ ပြည့်နှစ် နိုဝင်ဘာလ ရွေးကောက်ပွဲမှာ တကြိမ်ထက်ပိုပြီး မဲပေးခဲ့သူတွေကို တရားစွဲဆိုဖို့ ပြည်ထောင်စုရွေးကောက်ပွဲကော်မရှင် (UEC) က ရွေးကောက်ပွဲကော်မရှင်အဖွဲ့ခွဲတွေကို အကြောင်းကြားထားပါတယ်။ ရွေးကောက်ပွဲမှာ တစ်ကြိမ်ထက်ပိုပြီး မဲပေးတယ်ဆိုရင် မဲပေးသူသာမက အားပေးသူ၊ မဲပေးတာကို ဖြစ်မြောက်စေသူ၊ ဖြစ်မြောက်စေဖို့ အားထုတ်သူတွေဟာလည်း ရာဇသတ်ကြီးပုဒ်မ ၁၇၁ (ဃ) ကို ဖောက်ဖျက်ကျူးလွန်ရာရောက်တယ်လို့ UEC ရဲ့ အောက်တိုဘာလ ၂၂ ရက်နေ့စွဲနဲ့ ညွှန်ကြားစာမှာ ဖော်ပြထားပါတယ်။ဒီလို မြန်မာနိုင်ငံဆိုင်ရာ သတင်းတိုတွေကို မအိသန့်စင်က တင်ဆက်ထားပါတယ်။
