အောက်တိုဘာလ ၂၇ ရက်
နယူးယောက်မြို့ လူဦးရေအထူထပ်ဆုံး မဲန်ဟန်တန်အရပ်ရဲ့ အောက်ဘက်မှာ - နှုတ်ခမ်းပေါ် လက်ညှိုးတင်ပြီး ရှူး…တိတ်တိတ်နေ…လို့ ပြောနေသယောင် အမျိုးသမီးငယ်တယောက်ရဲ့ ဦးခေါင်းပုံ ရုပ်တုကြီးဟာ ဟဒ်ဆန်မြစ်ပေါ်ကို စီးမိုးကြည့်နေသလိုပါပဲ။ ပျားပမ်းခတ်နေတဲ့ မြို့တော်ကြီးမှာ နေထိုင်သူတွေ တိတ်တိတ်ဆိတ်ဆိတ်လေး မြစ်ရေစီးသံကို နားထောင်ကြဖို့ ရည်ညွှန်းတည်ဆောက်လေသလားဆိုတာကိုတော့ ထုဆစ်ခဲ့သူ အနုပညာရှင်ကပဲ ဘယ်လို ပြောပြမှာပါလဲ။ အေပီနဲ့ရိုက်တာသတင်းတွေကို အခြေခံပြီး မခွာညိုကပြောပြထားပါတယ်။
