အောက်တိုဘာလ ၁၉ ရက်
စစ်အာဏာသိမ်းမှုကို ဆန့်ကျင်တဲ့ လှုပ်ရှားတွေမှာ ပါဝင်ခဲ့တဲ့ ဖေဖော်ဝါရီလ နောက်ပိုင်း ဖမ်းဆီးခံထားရသူ ၁,၃၀၀ ကျော်ကို မြန်မာ စစ်ကော်စီက ပြစ်ဒဏ်လွတ်ငြိမ်းချမ်းသာခွင့် ပေးလိုက်ပြီး အမှုရင်ဆိုင်နေရသူ ၄,၃၀၀ ကျော်အပေါ် ကြားနာစစ်ဆေးဆဲ အမှုတွေကိုလည်း ပိတ်သိမ်းပေးလိုက်ပါတယ်။ မလေးရှားနဲ့ အင်ဒိုနီးရှားနိုင်ငံတွေက နိုင်ငံခြားရေးဝန်ကြီးတွေက မြန်မာနိုင်ငံကို အာဆီယံအထူးကိုယ်စားလှယ် သွားရောက်မယ့်ကိစ္စ နှောင့်နှေးနေရတဲ့ ကိစ္စ စိတ်ပျက်မိကြောင်း ပြောကြားသွားပါတယ်။ ဒီလို မြန်မာနိုင်ငံဆိုင်ရာ သတင်းတိုတွေကို မအိသန့်စင်က တင်ဆက်ထားပါတယ်။