အိန္ဒိယအစိုးရက ၁၀၆ ကီလိုမီတာ အရှည်ရှိသည့် ကိုရှီစင်္ကြံ လျှပ်စစ်ဓာတ်အားပေးလိုင်းကို နီပေါလျှပ်စစ်လုပ်ငန်း အာဏာပိုင်အဖွဲ့သို့ အောက်တိုဘာ ၆ ရက်က လွှဲပြောင်းပေးအပ်လိုက်သည်။
နီပေါရူပီး ၁၀ ဒသမ ၄၀ ဘီလျံ (အမေရိကန်ဒေါ်လာ ၈၆ ဒသမ ၈ သန်း) ကုန်ကျသည့် အဆိုပါာတ်အားပေးလိုင်းကို အိန္ဒိယ EXIM ဘဏ်မှတစ်ဆင့် အစိုးရချေးငွေ အမေရိကန်ဒေါ်လာ သန်း ၅၅၀ ဖြင့် တည်ဆောက်နေခြင်းဖြစ်သည်။
အဆိုပါ စီမံကိန်းအဆင့်၁ သည် ရူပီးငွေ ၄ ဒသမ ၅ ဘီလျံ (အမေရိကန်ဒေါ်လာ ၃၇ ဒသမ ၃ သန်း) ကုန်ကျပြီး အိန္ဒိယနိုင်ငံ ကာလပါတာရူ ဓာတ်အားပေး ကုမ္ပဏီလီမိတက် (KPTL) က အကောင်အထည်ဖော်ခြင်းဖြစ်ကာ အောင်မြင်စွာတည်ဆောက်၍ ဓာတ်အားစတင်လွှတ်ပေးပြီးနောက် နီပေါလျှပ်စစ်လုပ်ငန်း အာဏာပိုင်အဖွဲ့သို့ လွှဲပြောင်းပေးခဲ့ခြင်းဖြစ်သည်။
ကျန်ရှိနေသည့် အဆင့် ၂ ဆင့် ပြီးစီးပါက အာရွန်နှင့် တာမာ မြစ်ဝှမ်းဒေသများရှိ ဓာတ်အားထုတ်လုပ်သည့် စီမံကိန်းများမှ လျှပ်စစ်ဓာတ်အားများကို မဂ္ဂါဝပ် ၂၀၀၀ အထိ ထုတ်ပေးနိုင်မည်ဖြစ်သည်။
ကိုရှီစင်္ကြံဓာတ်အားလိုင်းအပြင် အိန္ဒိယက နီပေါတွင် အခြား ပြည်တွင်းဓာတ်အားပေးလိုင်း ၂ လိုင်း တည်ဆောက်ရာတွင်လည်း ကူညီပံ့ပိုးလျက်ရှိကာ ၎င်းတို့မှ ၁၃၂ ကီလိုဗို့စီ ထုတ်လွှတ်ပေးနိုင်မည် ဖြစ်သည်။
အိန္ဒိယသည် နှစ်နိုင်ငံအကြား ဓာတ်အားပို့လွှတ်ရေးလိုင်းများနှင့် ဓာတ်အားပေးလိုင်းအများအကြားတည်ဆောက် ရာတွင်လည်း ကူညီပံ့ပိုးလျက်ရှိရာ အိန္ဒိယက ‘အိမ်နီးချင်းဦးစားပေး’ မူဝါဒ အစိတ်အပို်င်း မူဝါဒ၏ အစိတ်အပိုင်းတစ်ခုအဖြစ် နယ်စပ်ဖြတ်ကျော် စီးပွားရေးချိတ်ဆက်မှုကို ကောင်းမွန်စေရန် လုပ်ဆောင်ခြင်း ဖြစ်သည်။
