ကိုဗစ်-၁၉ ကာကွယ် ဆေးဖြန့်ချိသည့် အစောပိုင်းနေ့များတွင် တရုတ်ကာကွယ်ဆေးများသည် မရေမတွက် နိုင်သောအသက်ပေါင်းများစွာကို ကယ်တင်နိုင်ခဲ့သည်။
ချမ်းသာသည့် နိုင်ငံများက mRNA နည်းပညာနှင့် ထုတ်လုပ်လုပ်ထားသည့် ရှားပါးသော Pfizer-BioNTechနှင့် Moderna COVID-19 ကာကွယ်ဆေးအများအပြားကို စုဆောင်းခဲ့သော်လည်း အာရှ၊ လက်တင်အမေရိကနှင့် အရှေ့အလယ်ပိုင်းတို့တွင် တရုတ်ကာကွယ်ဆေးများကို အသုံးပြုခဲ့ကြသည်။
သို့သော် Delta SARS-CoV-2 ဗိုင်းရပ်စ်ကြောင့် တရုတ်ကာကွယ်ဆေးများ၏ ထိရောက်မှုကိုစိုးရိမ်ခြင်းနှင့် အနောက်နိုင်ငံများက mRNA အထောက်အပံ့များကို ဖြေလျော့ပေးလိုက် သောကြောင့် Sinovac Biotech (သို့မဟုတ်) Sinopharm Group မှ COVID-19 ကာကွယ်ဆေးများကို မှီခိုအား ထားခဲ့သောအစိုးရများသည် အမေရိကန်နှင့် ဥရောပတို့မှ ကာကွယ်ဆေးများကို ပိုမိုရွေးချယ်လာကြသည်။
ယင်းအခြေအနေကို တရုတ်အကောက်ခွန်အချက်အလက်များတွင် တွေ့မြင်နိုင်ပြီး ကာကွယ်ဆေး တင်ပို့မှုသည့် ၂၀၂၀ပြည့်နှစ် ဒီဇင်ဘာလတွင် တဖြည်းဖြည်းတင်ပို့မှုများပြားလာရာမှ ဇူလိုင်လတွင် ဒေါ်လာ ၂ဒသမ၄၈ ဘီလီယံတန်ဖိုး ရှိရာမှ သြဂုတ်လတွင် ဒေါ်လာ ၁ ဒသမ ၉၆ ဘီလီယံသို့ ရောက်ရှိသွားသဖြင့် ၂၁ ရာခိုင်နှုန်းကျဆင်းသွားခဲ့သည်။
“ကိုဗစ်-၁၉ ကာကွယ်ဆေး စတင်ရရှိချိန်တုန်းက လူတွေက သူတို့ရနိုင်တဲ့ အရာတွေကို ယူခဲ့ကြတယ်” ဟု နိုင်ငံခြားရေးမူဝါဒ နှင့်ပြည်သူ့ကျန်းမာရေးဆိုင်ရာ စာအုပ်များစွာကို တည်းဖြတ်ခဲ့သည့် ဟောင်ကောင်စီးတီးတက္ကသိုလ်မှ တွဲဖက်ပါမောက္ခ နီကိုလတ်သောမတ်က ပြောကြားခဲ့သည်။
“ ဒါပေမယ့် နောက်ပိုင်းမှ ဆေးပညာရှင်မဟုတ်တဲ့ သာမန်လူတွေက ကွဲပြားခြားနားမှုတွေ အကြောင်း ပိုသိလာကြတယ်” ဟု သူက ဆိုသည်။ “ ကာကွယ်ဆေး အားလုံးက ကာကွယ်နိုင်မှုမှာ တန်းတူမဟုတ်ဘူးဆိုတာကို သူတို့က သဘောပေါက်လာကြပါတယ်။ ”
၂၀၂၁ခုနှစ်အစောပိုင်းက ထိုင်းနိုင်ငံတွင် အသေအပျောက်များသည့် ကူးစက်မှုကြောင့် ကာကွယ်ဆေးရွေးချယ်မှု ပြောင်းလဲသွားခဲ့သည်။
ကူးစက်ခံရသူများမြင့်တက်လာခြင်းနှင့်အတူ အရှေ့တောင်အာရှသည် ကိုဗစ်-၁၉ ကူးစက်ရောဂါ၏ ဗဟိုချက် အသစ်ဖြစ်လာပြီးနောက် ထိုင်းနိုင်ငံသည် ကာကွယ်ဆေးများ ဝယ်ယူရန် အသည်းအသန်ကြိုးစားခဲ့ရာတွင် တရုတ်မှ Sinovac ဆေးကို အချိန်မီပေးသွင်းနိုင်ခဲ့သည်။
တရုတ်ကာကွယ်ဆေးများ၏ ထိရောက်မှုသည် လက်တွေ့စမ်းသပ်မှုများတွင် ၅၀ ရာခိုင်နှုန်းမှ ၈၀ ရာခိုင်နှုန်း အထိရှိသော်လည်း ယင်းတို့သည် mRNA ကာကွယ်ဆေးများထက် အာနိသင်နည်းပါးကာ ကူးစက်မြန်သော Delta မူကွဲများနှင့် ပတ်သက်၍ ယင်းတို့၏ ထိရောက်မှုကို မေးခွန်းထုတ်လာကြသည်။
