ကချင်ပြည်နယ်၊ ဖားကန့်မြို့တွင် စစ်အာဏာရှင်ဆန့်ကျင်ခဲ့သည့် ရှစ်လပြည့်အဖြစ် ဖားကန့်မြို့ပေါ်ရှိပြည်သူများနှင့် မှော်ပေါင်းစုံမှ ပြည်သူအင်အား ၁,၀၀၀ ခန့်သည် စက်တင်ဘာလ ၇ ရက်နေ့ မနက်ပိုင်းက အကြမ်းဖက် စစ်အာဏာရှင် ဆန့်ကျင်ရေး ချီတက် ဆန္ဒထုတ်ဖော်ကြသည်။
"ပြည်သူတွေကို ကာကွယ်ပေးတဲ့ KIA ကို ကျေးဇူးတင်ကြောင်း၊ KIA, PDF တိုက်ပွဲတိုင်းမှာ နိုင်ပါစေ။ NUG အစိုးရ ဒို့အစိုးရ၊ အကြမ်းဖက် လူသတ်စစ်ကောင်စီ အလိုမရှိ" ဆိုသည့် ကြွေးကြော်သံများဖြင့် မှော်တွင်း တစ်နေရာတွင် ယနေ့မွန်းလွဲ ၁နာရီခွဲခန့် က လှည့်လည်ကာ ဆန္ဒထုတ်ဖော်ကြသည်။