အောက်တိုဘာလ ၅ ရက်
အရှေ့တောင်အာရှအသင်းကြီးကချမှတ်ထားတဲ့ မြန်မာနိုင်ငံဆိုင်ရာငြိမ်းချမ်းရေးလုပ်ငန်းစဉ်တွေနဲ့ပတ်သက်ပြီး တစုံတရာ ထူးထူးခြားခြားတိုးတက်လာအောင်လုပ်ဆောင်တာမတွေ့ရတဲ့အတွက် စိတ်ပျက်မိကြောင်း အင်ဒိုနီးရှားနိုင်ငံခြားရေးဝန်ကြီးက တနင်္လာနေ့မှာပြောဆိုလိုက်ပါတယ်။ နိုင်ငံတော်အတိုင်ပင်ခံဒေါ်အောင်ဆန်းစုကြည်ကို နောက်ထပ် အဂတိလိုက်စားမှု ၃ မှုနဲ့ တရားစွဲဆိုနိုင်ဖို့ စစ်ကောင်စီဘက်က စုံစမ်း ပြင်ဆင်နေတယ်လို့ ဒေါ်အောင်ဆန်းစုကြည် ရှေ့နေတွေကပြောပါတယ်။ ဒီလို VOA မနက်ခင်းသတင်းတိုတွေကို မအိသန့်စင်က တင်ဆက်ထားပါတယ်။
