ထွန်းထွန်းဝင်း
စစ်ကိုင်းတိုင်းဒေသကြီး၊ ကသာမြို့မှ အင်းတော်မြို့ဘက်သို့ အင်အား ၁၀၀ ဝန်းကျင်ဖြင့် ခြေလျင် ထွက်ခွာလာကြသည့် စစ်ကောင်စီ စစ်ကြောင်းအား KIA နှင့် ကသာPDF တို့ ပူးပေါင်းအဖွဲ့ က မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲ့ ဝင် အယောက် ၃၀ ထက်မနည်း သေဆုံးခဲ့ကြောင်း ကသာ PDF ထံကသိရ သည်။
အဆိုပါ အကြမ်းဖက်စစ်ကောင်စီ၏ ခြေလျင် စစ်ကြောင်းသည် ယနေ့ အောက်တိုဘာလ ၁ ရက် မွန်းလွဲပိုင်းတွင် ပင်းမလွတ်ကျေးရွာအကျော်၌ တိုက်ခိုက်ခံလိုက်ရခြင်း ဖြစ်သည်။
" ဟုတ်ပါတယ်။ မိုင်း ရှစ်လုံးခွဲတာ အားလုံးအောင်ပါတယ်။ ပဒေသာဆွဲမိုင်း တွေနဲ့ လေးဆိုင်း ဆွဲတာပါ ။ မိုင်းဆွဲပြီး ချက်ခြင်းဆုတ်လာတာပါ " ဟု က သာပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ဆိုသည်။
ယင်းကဲ့သို့ မိုင်းဆွဲတိုက်ခိုက်ခြင်းကြောင့် အကြမ်းဖက်စစ်ကောင်စီတပ်ဖွဲ့ဝင် အယောက် ၃၀ ထက်မနည်း သေဆုံးကြောင်းကိုလည်း အမျိုးသား ညီညွတ်ရေးအစိုးရ(NUG)၏ ကာကွယ်ရေးဝန်ကြီးဌာနက ယနေ့ ညပိုင်းက သတင်းထုတ်ပြန်ထားသည်။
