စက်တင်ဘာ ၂၅
ဖားကန့်မြို့နယ်အစပ်၌ ကချင်လွတ်လပ်ရေးတပ်မတော် (KIA) က အာဏာ သိမ်းစစ်ကောင်စီတပ်စစ်ကြောင်းကို ယနေ့နံနက်တွင် ကြားဖြတ်တိုက်ခိုက်ခဲ့ရာ တိုက်ပွဲပြင်းထန်ခဲ့ကြောင်း ဒေသခံများအပြောအရ သိရသည်။
ယနေ့နံနက် ၆ နာရီကျော်က မြစ်ကြီးနား - တနိုင်း ၊ မြစ်ကြီးနား - ဖားကန့် လီဒိုလမ်းမကြီးဘေးမှာရှိပြီး ဖားကန့်မြို့နယ်စပ်ရွာဖြစ်သည့် လဝါးကျေးရွာကို ဖြတ်ကာ အင်အားအလုံးအရင်းဖြင့် တနိုင်းနှင့် ဖားကန့်ဘက်သို့ စစ်ကြောင်း ဆင်းလာစဉ် KIA က တိုက်ခိုက်ခြင်းဖြစ်သည်။
" ရွာအဝင်မှာ ပစ်ကြတာဟုတ်တယ်။ အဲ့နားကတောင်ကုန်းမှာ သူတို့ဗျုဟာ ကုန်းလည်းရှိတယ်။ အဲ့ဒီမှာ စစ်တပ်ဘက်က စစ်ကြောင်းထိုးလာတဲ့ အချိန် စောင့်ပစ်ပြီး ကြားဖြတ်တိုက်ခိုက်တဲ့သဘော ဟုတ်တယ်။ ခုနအထိတော့ ပစ်သံတွေ ကြားနေရတုန်းပဲ။ ခုတော့ တိုက်ပွဲက ပြီးသွားတာလား ဘယ်လိုလဲ မသိဘူး။ အသံတော့မကြားရတော့ဘူး။ ရွာသားတွေလည်း အကုန်လည်း တောင်ယာ မသွားကြတော့ဘူး " ဟု ဒေသခံတစ်ဦးက ပြောသည်။
တိုက်ပွဲဖြစ်ပွားရာနေရသည် KIA တပ်မဟာ (၂ )အောက်၊ တပ်ရင်း (၁၁)၏ နယ် မြေဖြစ်သော ဒွမ်ဘွမ်ခကျေးရွာ အကျော်တွင်တည်ရှိသည်။
ပြီးခဲ့တဲ့ စက်တင်ဘာလ ၂၃ ရက်နေ့ကလည်း လွယ်လီချောင်းအကျော် ဒွမ်ဘွမ် အောက်ဘက်မှာသော တာဝါတိုင်အနီးတွင် နှစ်ဘက်တပ်များ တိုက်ပွဲပြင်းထန် စွာဖြစ်ပွားခဲ့သည်။