အိန္ဒိယနိုင်ငံ ဂျမူးနှင့် ကက်ရှ်မီးယား ပြည်ထောင်စုနယ်မြေ ပူလ်ဝါမာခရိုင်၌ အကြမ်းဖက်သမားများက ရဲတစ်စုကို လက်ပစ်ဗုံးဖြင့် ပစ်ပေါက်တိုက်ခိုက်ခဲ့သည့် ဖြစ်စဥ်တစ်ခု ဖြစ်ခဲ့ရာ အရပ်သား သုံးဦး ထိခိုက်ဒဏ်ရာရရှိခဲ့သည်။
ယင်းဖြစ်စဥ်နှင့်ပတ်သက်ပြီး အသေးစိတ်အချက်အလက်များကို မသိရသေးပေ။
စက်တင်ဘာ ၁၃ ရက်တွင် ဗဟိုအရန် ရဲတပ်ဖွဲ့ (CRPF) သည် ယခင်က ဂျမူးနှင့် ကက်ရှ်မီးယား၏ နွေရာသီမြို့တော်၏ အချက်အချာတွင် တည်ရှိသည့် ဒေသတစ်ခုဖြစ်သော ဘမ်မီနာရှိ အမျိုးသား အဝေးပြေးလမ်းမ- ၄၄ ပေါ်တွင် တရုတ်ထုတ် လက်ပစ်ဗုံး ခြောက်လုံးကို တွေ့ရှိသိမ်းဆည်းရမိခဲ့ပြီး အဓိက ထိခိုက်နိုင်ခြေရှိ တိုက်ခိုက်မှု ဖြစ်စဥ်တစ်ခုကို မဖြစ်အောင် ကြိုတင်တားဆီးနိုင်ခဲ့သည်။
ပုံမှန် လုပ်ဆောင်နေကျ လမ်းဖွင့်လှစ် ရှင်းလင်းမှုတစ်ခုအတွင်း ဘမ်မီနာရှိ လမ်းမ အပိုင်းအကန့်တစ်ခုတွင် ချထားသည့် သဲအိတ်တစ်ခုတွင် ထိုလက်ပစ်ဗုံးများကို တွေ့ရှိခဲ့ခြင်း ဖြစ်သည်။
ယင်းမတိုင်မီ စက်တင်ဘာ ၁၀ ရက်ကလည်း ဆရီနာဂါရှိ ပီပီ ချန်ပိုရာအနီး လုံခြုံရေးတပ်ဖွဲ့ဝင်များကို အကြမ်းဖက်သမားများက လက်ပစ်ဗုံးတစ်လုံး ပစ်သွင်း တိုက်ခိုက်ခဲ့ရာတွင် CRPF ရဲတပ်သားတစ်ဦး အသေးစား ဒဏ်ရာများ ရရှိခဲ့သည်။