ချင်းပြည်နယ် ၊ စက်တင်ဘာ-၁၁
ပြည်သူဘက်ရပ်တည်ကာ CDM ဝင်ရောက်လာသည့် ချင်းပြည်နယ် မြို့နယ်အသီးသီးတွင် တာဝန်ထမ်းဆောင်လျက်ရှိသော ရဲတပ်ဖွဲ့ဝင်ဦးရေမှာစက်တင်ဘာလ ၁ရက်မှ ၁၁ ရက်အထိ ဦးရေ ၂၀ ကျော်ရှိပြီဖြစ်ကြောင်းသိရသည်။
ယနေ့စက်တင်ဘာ ၁၁ ရက်တွင် ချင်းပြည်နယ်အကူတပ်ဖွဲ့ခွဲမှရဲအရာခံဗိုလ်အပါအဝင် သုံးဦးနှင့်
ဟားခါးခရိုင်ရဲတပ်ဖွဲ့မှူးရုံးမှ တပ်ကြပ်ကြီးတစ်ဦး၊တပ်ကြပ်တစ်ဦးနှင့်တပ်သားတစ်ဦးတို့လည်း CDMတွင်ပါဝင်လာခဲ့ကြသည်ဟု သိရသည်။
ယမန်နေ့ စက်တင်ဘာ ၁၀ရက်က လည်း ချင်းပြည်နယ်ရဲတပ်ဖွဲ့ ၊ပြည်နယ်ရုံးမှ ရဲတပ်သားသုံးဦးCDMဝင် လာခဲ့ကြသေးသည်။
ချင်းပြည်နယ်တွင် စစ်တပ်မှ အာဏာသိမ်းပြီးနောက် ရဲတပ်ဖွဲ့ဝင်အများအပြား CDMလုပ်ဆောင်ခဲ့ကြသည့်အတွက် ပဲခူးတိုင်းဒေသကြီးနှင့် မွန်ပြည်နယ်တို့မှ ရဲတပ်ဖွဲ့ဝင်များနှင့် ယာဉ်ထိန်းရဲတပ်ဖွဲ့ဝင် ၃၅၀ ဦးကို ချင်းပြည်နယ်၊စစ်ကိုင်းတိုင်းနှင့် နယ်ခြားစောင့်ရဲတပ်ဖွဲ့နေရာများ၌ ပြောင်းရွှေ့တာဝန်ထမ်းဆောင်ရမည်ဟု စက်တင်ဘာ ၆ရက် ရက်စွဲဖြင့် ထုတ်ပြန်ထားသည်။
