ချင်းပြည်နယ် မင်းတပ်မြို့ပေါ်ရပ်ကွက်များတွင် စစ်ကောင်စီတပ်ဖွဲ့ဝင်များဖြစ်သည့် စစ်သားနှင့်ရဲအယောက်၃၀ဝန်းကျင်မှ မြို့ပေါ်လူနေရပ်ကွက်များတွင် ဧည့်စာရင်းနှင့် အိမ်ထောင်စုစာရင်း လိုက်လံစစ်ဆေးနေကြောင်း သိရသည်။
ယနေ့ (ဩဂုတ် ၂၈ ရက်) နံနက်၁၀နာရီဝန်းကျင်တွင် မင်းတပ်မြို့ဘဝသစ်ရပ်ကွက်တွင် အိမ်ထောင်စုစာရင်းများကို လိုက်လံမေးမြန်း ကောက်ယူနေကြောင်းသိရသည်။
''မနက်က ကျွန်မတို့အိမ်ကို အယောက် ၃၀လောက်လာပြီး စစ်ကြတာ၊အိမ်မှာလူဦးရေဘယ်လောက်ရှိလဲ ။ ကျားကဘယ်နှစ်ယောက်လဲ။ မကဘယ်နှစ်ယောက်လဲဆိုပြီး မေးမြန်းပြီးစာရင်းတွေ မှတ်သွားကြတယ်။ လူမရှိတဲ့ အိမ်တွေကြတော့ ကျော်သွားတာတွေ့ရတယ်''ဟု ဘဝသစ်ရပ်ကွက်ရှိအမျိုးသမီးတစ်ဦးကပြောသည်။
မင်းတပ်မြို့တွင် စစ်ကောင်စီတပ်များနှင့် CDF(မင်းတပ်) တို့ တိုက်ပွဲဖြစ်ပွားပြီးနောက် လုံခြုံရေးတင်းကြပ်လျက်ရှိပြီး ယမန်နေ့ကလည်း ခြံစိုက်နေသည့် လူငယ်တစ်ဦးကို ဖမ်းဆီးခါ်ဆောင်သွားခဲ့ ကြောင်းသိရသည်။
