ဩဂုတ် ၂၇
ကျောက်မဲမြို့နယ် လွယ်ကုန်ကျေးရွာတွင် RCSSနှင့် SSPP၊TNLAပူးပေါင်းတပ်ဖွဲဲ့တို့ ဩဂုတ်ည၂၆ရက်က တိုက်ပွဲဖြစ်ပွားခဲ့ရာ အရပ်သားအမျိုးသားတစ်ဦး သေနတ်ကျည်ဆန် ထိမှန်ခဲ့ပြီး နောက်တစ်ဦးသည် မိုင်းထိဒဏ်ရာရခဲ့သည်ဟု စစ်ဘေးရှောင်များကို ကူညီနေသူတစ်ဦးကပြောသည်။
ဒဏ်ရာရသူနှစ်ဦးမှာ အသက် ၄၀ နှင့် ၅၀အရွယ်အမျိုးသားနှစ်ဦးဖြစ်ပြီး အသက်အန္တရာယ် မစိုးရိမ်ရဖြင့် ဆေးကုသမှုခံယူနေသည်ဟု သိရသည်။
တိုင်းရင်းသား လက်နက်ကိုင်တပ်ဖွဲ့များဖြစ်သည့် RCSS နှင့် SSPP ၊ TNLA တို့သည် နယ်မြေပိုင်ဆိုင်မှု အငြင်းပွားရာမှစကာ ကျောက်မဲမြို့နယ်တွင် ၂၀၁၉ ခုနှစ်ကတည်းက တိုက်ပွဲများစတင်ဖြစ်ခဲ့သည်။
ယခု သြဂုတ်လအတွင်း တိုက်ပွဲ ပိုမိုပြင်းထန်လာပြီး အရပ်သား တစ်ထောင်ကျော် နေရပ်စွန့်ခွာထွက်ပြေးနေရသည်။
ယင်းစစ်ပွဲများကြောင့် အရပ်သား လူနေအိမ်များပျက်စီးခဲ့ရပြီး အရပ်သားများကို အမှန်တကယ် စာနာပါက တိုက်ပွဲ ချက်ချင်းရပ်ကြရန် စစ်ဘေးရှောင်များက တောင်းဆိုထားသည်။