ဩဂုတ် ၂၁

အမျိုးသားညီညွတ်ရေးအစိုးရက ထုတ်လွှင့်သည့် Radio NUG လှိုင်းသည် ပြန်ကြားရေးဝန်ကြီးဌာန၏ တရားဝင်ထုတ်လွှင့်ခွင့် ပြုထားသည့် ရေဒီယိုလိုင်းမဟုတ်သည့်အတွက် ထောက်ပံ့ကူညီမှုများ ပြုလုပ်ပါက အရေးယူခံရမည်ဖြစ်ကြောင်း အာဏာသိမ်း စစ်ကောင်စီပြန်ကြားရေးဌာနက ဩဂုတ် ၂၀ ရက် ည ၈ နာရီတွင် ကြေညာခဲ့သည်။

Radio NUG ကိုနားဆင်လိုသည့် ပြည်သူများ‌ကြောင့် ဈေးကွက်အတွင်း ရေဒီယို ဝယ်လိုအားများလာပြီးနောက် ယင်းကဲ့သို့ အာဏာသိမ်း စစ်ကောင်စီက ခြိမ်းခြောက်လာခြင်း ဖြစ်သည်။

အမျိုးသားညီညွတ်ရေးအစိုးရ (NUG) က ထုတ်လွှင့်သည့် Radio NUG ကို ယနေ့ (ဩဂုတ် ၂၀ ရက် )တွင် စတင် စမ်းသပ်ထုတ်လွှင့်ခဲ့ပြီး နေ့စဉ် နံနက် ၈ နာရီတွင် တစ်ကြိမ်၊ ည ၈ နာရီတွင် တစ်ကြိမ် မိနစ် ၃၀ ကြာ ထုတ်လွှင့်သွားမည်ဖြစ်သည်။

Radio NUG ကို ဖုန်းတွင်ပါသည့် FM ရေဒီယိုဖြင့် ဖမ်းယူနားဆင်နိုင်မည်မဟုတ်ဘဲ အိမ်သုံးရေဒီယို 10 Band Digital Radioဖြင့် လှိုင်းတိုမီတာ ၁၆ / မက်ဂါဟဇ် ၁၇ ဒသမ ၇၁ တွင် ဖမ်းယူနားဆင်နိုင်ကြောင်း NUG က ကြေညာထားသည်။