ဩဂုတ် ၂၀
ဖားကန့်တွင် ယနေ့ ညနေက မိုးများနေချိန် မြေပြိုကျခဲ့ရာ ရေမဆေးကျောက်ရှာဖွေသူ အနည်းဆုံးသုံးဦးပျောက်ဆုံးနေသည်ဟု ဒေသခံများကပြောသည်။
ဖားကန့်မြို့နယ်လုံးခင်းအုပ်စု သာယာကုန်းကျေးရွာအနီးမှ အမြင့်ပေ နှစ်ရာ ခန့်ရှိ ကမ်းပါးယံသည် ညနေ လေးနာရီခန့်က မြေပြိုကျခဲ့ခြင်းဖြစ်သည်ဟု ယင်းကျေးရွာတွင်နေသူတစ်ဦးကပြောသည်။
မြေပြိုကျမှုကြောင့် အသက် ၂၂ နှစ်မှ ၅၀နှစ်ခန့်ရှိ အမျိုးသားသုံးဦးမြေပိပျောက်ဆုံးနေသည်ဟု သိရသည်။မြေစာပိ၍ ပျောက်ဆုံးနေသူ သုံးဦးကို လူမူကယ်ဆယ်ရေး အရပ်ဘက် အဖွဲ့များက ရှာဖွေနေဆဲဖြစ်သည်။
