ဩဂုတ် ၁၉
စစ်အာဏာရှင်ဆန့်ကျင်ရေး ပြင်းထန်သည့် ကချင်ပြည်နယ် ဖားကန့်တွင် ယနေ့ညနေက ရဲတပ်ဖွဲ့ဝင်တစ်ဦး သေနတ်ဖြင့် ပစ်သတ်ခံရကြောင်း ဒေသခံများကပြောသည်။
တပ်သားဝင်းမြင့်သည် ဖားကန့်မြို့၊ လုံးခင်းကျေးရွာဘောလုံးကွင်းအနီးတွင် ယနေ့ ညနေ ငါးနာရီခန့်က သေနတ်ဖြင့် ပစ်သတ်ခံရခြင်းဖြစ်သည်။
" ဘောလုံးကွင်းအနီး တစ်နေရာမှာ အပစ်ခံရတာ။ ရဲက AD ဗင်ကားနဲ့လာတာကို အနီးကပ်ပစ်သွားတာ" ဟု ဆိုသည်။
ဖားကန့်ဒေသတွင် စစ်အာဏာရှင်ဆန့်ကျင်ရေးလူထုလှုပ်ရှားမှု ယနေ့ထက်ထိ အရှိန်မြင့်နေဆဲဖြစ်ပြီး လူထုဆန္ဒထုတ်ဖော်မှုများကို နေ့စဉ် ပြုလုပ်နေဆဲဖြစ်သည်။