ဇူလိုင် ၂၈
၂၀၂၀ အထွေထွေရွေးကောက်ပွဲကြီး ရလာဒ်ကို ဖျက်သိမ်းလိုက်တာဟာ နိုင်ငံရေးအကျပ်အတည်းကို ပိုမိုဆိုးဝါးသွားစေနိုင်တယ်လို့ ရခိုင်အမျိုးသားပါတီ (ANP) က မနေ့က ဇူလိုင်လ ၂၇ ရက်နေ့ ရက်စွဲနဲ့ ထုတ်ပြန်ကြေညာထားပါတယ်။
ရွေးကောက်ပွဲဟာ လွတ်လပ်ပြီး တရားမျှတမှု မရှိဘူးဆိုပြီး ၂၀၂၀ ပြည့်နှစ် နိုဝင်ဘာလ ၈ ရက်နေ့က ကျင်းပပြုလုပ်ခဲ့တဲ့ ရွေးကောက်ပွဲရလာဒ်ကို ဖျက်သိမ်းကြောင်း အာဏာသိမ်း စစ်ကောင်စီခန့် ရွေးကောက်ပွဲကော်မရှင်က ထုတ်ပြန်ကြေညာထားတာပါ။
အချုပ်အခြာအာဏာရဲ့ မူလပိုင်ရှင်ဖြစ်တဲ့ ပြည်သူတွေကရွေးကောက်တင်မြှောက်ခဲ့တဲ့ ပြည်သူ့အာဏာကို လူတစ်ခုရဲ့တရားမဝင်အမိန့် ထုတ်ပြန်ရုံမျှနဲ့ ချေဖျက်နိုင်ခြင်းမရှိကြောင်း CRPH ကလည်း မနေ့က ဇူလိုင်လ ၂၇ ရက်နေ့မှာ ထုတ်ပြန်ထားပါတယ်။
