ဇူလိုင် ၁၈
ရန်ကုန်တိုင်းဒေသကြီး တောင်ဒဂုံမြို့နယ်တွင် သေနတ်ပစ်ခတ်သံများ ဆယ်ချက်ထက်မနည်း ဇူလိုင် ၁၈ရက် ညက ကြားရသောကြောင့် ဒေသခံများ စိုးရိမ်မှုဖြစ်ပေါ်လျက်ရှိသည်ဟု သိရသည်။
" ၁၀ နာရီလောက်မှာ သေနတ်သံ ငါးချက်လောက်ကြားရတယ်။ ဆက်တိုက်ပဲ အသံက တချက်ချင်းကြားရတာတောင် မဟုတ်ဘူး။ နောက်ပြီး ငါးချက် ခြောက်ချက်လောက် ထပ်ကြားရတယ်''ဟု ဒေသခံတစ်ဦးက ဆိုသည်။
မည်သည့်နေရာတွင်ဖြစ်ပွားမှန်း အတိအကျမသိရသေးသော်လည်း အဆိုပါ သေနတ်သံများကို တောင်ဒဂုံ သစ်ဆိုင်ကွေ့၊ စက်မှုဇုန်၊ (၂၁) ရပ်ကွက် (၂၄) (၅၃)ရပ်ကွက်နှင့် (၆၉) ဘက်တို့မှလည်း ကြားရသည်ဟုဆိုသည်။
