ဇူလိုင် ၁၈
ရက္ခိုင့်တပ်တော် (AA) တပ်ဖွဲ့ဝင် ဗိုလ်မှူးကြီး ဘုန်းမြတ်ဟာ ကိုဗစ် ၁၉ ရောဂါပိုး ကူးစက်ခံရပြီး မနေ့က ဇူလိုင်လ ၁၇ ရက်နေ့မှာ ကွယ်လွန်ခဲ့တဲ့အတွက် မိသားစုနဲ့ထပ်တူ ဝမ်းနည်းကြေကွဲကြောင်း AA က ဂုဏ်ပြုမှတ်တမ်းလွှာ ထုတ်ပြန်ထားပါတယ်။
ကိုဗစ်ကြောင့် ကွယ်လွန်သွားတဲ့ ဗိုလ်မှူးကြီး ဘုန်းမြတ်ကို ဦးညွတ်ဂုဏ်ပြုကြောင်းလည်း AA စစ်ဦးစီးချုပ် ဗိုလ်ချုပ်ထွန်းမြတ်နိုင်က သူ့တွယ်တာအကောင့်မှာ ရေးသားထားပါတယ်။
ဒါ့အပြင် အခုဖြစ်ပွားနေတဲ့ ကိုဗစ် ၁၉ တတိယလိုင်း ကာလအတွင်း မပေါ့ဆကြဖို့၊ အထူး သတိထားကြဖို့နဲ့ ကိုဗစ် ၁၉ စည်းကမ်းသတ်မှတ်ချက်တွေကို တိတိကျကျလိုက်နာကြဖို့ ရက္ခိုင့်တပ်တော် AA ရဲ့ ထုတ်ပြန်ချက်မှာ အသိပေးတိုက်တွန်းထားပါတယ်။