ဇူလိုင် ၁၁
ရှမ်းပြည်နယ် မြောက်ပိုင်း ကွတ်ခိုင်မြို့တွင် ကိုဗစ်ပိုးတွေ့လူနာ ၇၀ ကျော်အနက် ပထမဆုံးအနေဖြင့် အမျိုးသမီးလူနာတစ်ဦး ယနေ့ သေဆုံးသွားခဲ့သည်။
" ကူသမှုခံယူနေတာ ၇၇ဦး။ ဒီနေ့ တစ်ယောက် သေဆုံးသွားတယ်။ ဒေသခံတွေအနေနဲ့ ကိုဗစ်ကို ပေါ့မတွက်စေချင်ဘူး"ဟု ကွတ်ခိုင်မြို့မှ လူမှုကူညီရေးလုပ်ဆောင်နေသူတစ်ဦးက ပြောသည်။
ကိုဗစ်တတိယလှိုင်းအတွင်း ကွတ်ခိုင်မြို့၏ ပထမဆုံးသေဆုံးသည့် ပိုးတွေ့လူနာမှာ အသက် ၄၀အရွယ် အမျိုးသမီးတစ်ဦး ဖြစ်သည်။
ကွတ်ခိုင်အပါအဝင် ရှမ်းပြည်နယ် မြောက်ပိုင်းမြို့နယ်များတွင်ကိုဗစ်ပိုးတွေ့လူနာ များပြားလာပြီး သီပေါမြို့တွင်လည်း ယနေ့ တစ်ရက်တည်း၌ ၁၃ ဦး တွေ့ရှိခဲ့သည်။
