ဇူလိုင်လ ၈ ရက်၊ ၂၀၂၁ ခုနှစ်
ရန်ကုန်တိုင်းဒေသကြီး သင်္ကန်းကျွန်းမြို့နယ် ကြီးပွားရေးရပ်ကွက် သံသုမာလမ်းပေါ်ရှိ Boss KTV သည် ယနေ့ နံနက် ၆နာရီ ၂၀ခန့်က မီးလောင်မှုဖြစ်ပွားခဲ့ကြောင်း သိရသည်။
မီးလောင်ခဲ့ခြင်းကြောင့် အခန်းတစ်ခန်းသာ ပျက်စီးဆုံးရှုံးမှု ရှိသည်ဟု အဆိုပါ ကေတီဗီမှ ဝန်ထမ်းတစ်ဦးက ဆိုသည်။
" မီးလောင်မှု အသေးစားလေးပါ။ ကျွန်တော်တို့ လျှပ်စစ်ရှော့ဖြစ်ပြီး လောင်သွားတာ။ အခန်းတစ်ခန်းတော့ ပျက်စီးသွားပါတယ်''ဟု အဆိုပါ ဝန်ထမ်းက ပြောသည်။
အဆိုပါမီးလောင်ကျွမ်းမှုကို ၁၀မိနစ်ခန့် မီးငြိမ်းသတ်ခဲ့ရသည်ဟု မြန်မာနိုင်ငံမီးသတ်တပ်ဖွဲ့က ထုတ်ပြန်ထားသည်။
အဆိုပါ Boss KTVသည် ကိုဗစ်ကာလဖြစ်သော်လည်း မနေ့ကအထိ ဖွင့်လှစ်ဆဲဖြစ်ပြီး လက်ရှိမီးလောင်သွားသည့်အတွက် ဆက်ဖွင့်ရန် ရှိမရှိ မသိသေးကြောင်း ဝန်ထမ်းတစ်ဦးကပြောသည်။