တရုတ်နိုင်ငံတွင် လတ်တလောဖြစ်ပွားနေသော အခက်အခဲများကြောင့် Tesla ကုမ္ပဏီ၏ ရှယ်ယာများသည် ဇွန်လ ၂၉ရက်တွင် ၂ ဒသမ ၅၁ ရာခိုင်နှုန်း ထပ်မံကျဆင်းသွားခဲ့သည်။
နိုင်ငံတော်စီမံခန့်ခွဲမှုအဖွဲ့ (SAMR) ဖြစ်သည့် တရုတ်မော်တော်ယာဉ်ဘေးအန္တရာယ်ကင်းရှင်းရေး အာဏာပိုင်အဖွဲ့က သတင်းပတ်ကုန်တွင် ဈေးကွက်စည်းမျဉ်းစည်းကမ်းများဆိုင်ရာ ဆော့ဖ်ဝဲလ်အဆင့်မြင့်ရန် Tesla က ကားများကို ပြန်လည်သိမ်းဆည်းခဲ့သည်။
တရုတ်ပြည်ရှိ Tesla မော်ဒယ် ၃၊ မော်ဒယ် Y အစီးရေ ၂၈၅,၅၂၀ ကို ယာဉ်မောင်း အကူအညီပေးသည့်စနစ်များတွင် လုံခြုံရေးစနစ်များကို ပြန်လည်ပြင်ဆင်ရန်အတွက် ပြန်လည်သိမ်းဆည်းခြင်းဖြစ်ကြောင်း ကြေညာခဲ့သည်။
ပြန်လည်သိမ်းဆည်းမှုတွင် ရှန်ဟိုင်းတွင် တက်စလာမှ ထုတ်လုပ်သည့် Model 3 ဆီဒင်ကားနှင့် Model Y crossover ကား ၂၄၉,၅၅၅ စီး၊ အမေရိကန်တွင်ထုတ်လုပ်ပြီး တရုတ်နိုင်ငံသို့ တင်ပို့ထားသော Model 3 မော်တော်ယာဉ် ၃၅,၆၆၅ စီး ပါဝင်သည်။
Tesla ၏ စနစ်များတွင် ကြုံတွေ့ရသည့် အားနည်းချက်မှာ ယာဉ်မောင်းက တစ်ခါတစ်ရံ Model 3 နှင့် Model Y ကားများတွင် cruise control ခလုတ်ကို မှားယွင်းပြီး အဖွင့်အပိတ်လုပ်မိနိုင်ခြင်းကြောင့် ဖြစ်ကြောင်း SAMR က ဆိုသည်။
ဥပမာရုတ်တရက်ကွေ့ရာတွင် cruise control ခလုတ်ကို မှားယွင်းပြီး အဖွင့်အပိတ်လုပ်မိနိုင်သည်။ အဆိုပါခလုတ်ကို မသိဘဲဖွင့်ထားမိပါက Tesla ကားမောင်းသူသည် အရှိန်ရုတ်တရက်မြှင့်မိနိုင်ပြီး တိုက်ခိုက်မှုဖြစ်ပွားနိုင်သည်ဟု SAMR က ကားများ ပြန်လည်သိမ်းဆည်းရသည့် ထုတ်ပြန်ချက်တွင် ဆိုထားသည်။
တရုတ်ရှိ တက်စလာပိုင်ရှင်များသည် ကားများ၏ ဆော့ဝဲလ်ကို အဆင့်မြင့်ရန်အတွက် ဝန်ဆောင်မှုစင်တာသို့ ယူဆောင်လာလေ့မရှိဘဲ ကုမ္ပဏီက ကားကို ပြန်လည်ယူ၍ လုပ်ဆောင်ပေးရသည်။
ချွတ်ယွင်းချက်စုံစမ်းစစ်ဆေးခြင်းကို အာဏာပိုင်အဖွဲ့က လုပ်ဆောင်ပြီးမှသာ Tesla က ဖြစ်ပေါ်လာနိုင် သည့် ဘေးအန္တရာယ်ကင်းရှင်းရေးအတွက် ပြန်လည်သိမ်းဆည်းမှုများ ပြုလုပ်ရန်ဆုံးဖြတ်ခဲ့ခြင်းဖြစ်ကြောင်း SAMR က ဆိုသည်။
Tesla က ကားများတွင် ဆော့ဖ်ဝဲလ်အဆင့်မြင့်ခြင်းကို အင်တာနက်မှ တစ်ဆင့်ပြုလုပ်ရာတွင် ရှေ့ပြေးဖြစ်ခဲ့သည်။ တရုတ်တွင် ကားကို နိုင်ငံခြားဇိမ်ခံပစ္စည်းတစ်ခုအဖြစ် အဆင့်အတန်းပြယုဒ် အနေဖြင့် နှစ်ခြိုက်စွာအသုံးပြုကြသည်။
သို့သော် မကြာသေးမီလများအတွင်း ကုမ္ပဏီနာမည် ကျဆင်းလာခဲ့သည်။
ကားတိုက်မှုများ ဆက်တိုက်ဖြစ်ခြင်း၊ ဈေးနှုန်းပြောင်းလဲခြင်း၊ တရုတ်နိုင်ငံသားဖောက်သည်များထံမှ အရည်အသွေးဆိုင်ရာတိုင်ကြားမှုများနှင့် ပြီးခဲ့သည့်လများအတွင်း Tesla ကားများ ပြန်လည် ရုပ်သိမ်းခြင်းကြောင့် တရုတ်တွင် အဆိုပါကုမ္ပဏီအနေဖြင့် အခက်ကြုံနေရသည်။
