ဇွန် ၁၈
ရန်ကုန်တိုင်းဒေသကြီး သင်္ကန်းကျွန်းမြို့နယ် ငမိုးရိပ်ရပ်ကွက် အပိုင်း ၂ ရွေရည်လမ်းမပေါ်ရှိ ရပ်ကွက်အုပ်ချုပ်ရေးမှူးရုံး၌ သောကြာနေ့ ည ၆နာရီခွဲ ဝန်းကျင်တွင် ပေါက်ကွဲမှု ဖြစ်ပွားခဲ့ရာ ဗုံးပေါက်ကွဲမှုဟုယုံကြည်ရသည်။
" ကြားတာတော့ အုပ်ချုပ်ရေးမှူးရုံးပေါက်တယ်တဲ့။ ဘယ်သူတွေထိလဲတော့ မသိသေးဘူး။ အဲ့နားမှာ စစ်သားတွေတော့ ရှိတယ်။ အခုတော့ တခြားနေရာက စစ်သားတွေပါ ရောက်လာကြပြီ''ဟု အဆိုပါ အနီးအနားနေထိုင်သူ တစ်ဦးက ဆိုသည်။
အဆိုပါ ပေါက်ကွဲမှုဖြစ်ပွားသည့် နေရာအနီးရှိ အလယ်တန်းကျောင်းအမှတ်(၁) တွင် စစ်သားနှင့်ရဲများ တပ်စွဲထားပြီးလက်ရှိတွင် ပေါက်ကွဲမှုဖြစ်ပွားသည့် နေရာ၌ စစ်ကောင်စီတပ်မှ ဝင်ရောက်စစ်ဆေးနေသည်ဟု သိရသည်။