ဆွစ်ဇာလန်နိုင်ငံ ဂျနီဗာမြို့ကို ရောက်ရှိနေတဲ့ ဗြိတိန်ရဲ့ အာရှရေးရာ ဝန်ကြီး Nigel Adams နဲ့ ကုလသမဂ္ဂ တာဝန်ရှိသူတွေ မြန်မာနိုင်ငံတွင်း လူသားချင်း စာနာမှုဆိုင်ရာ အခြေအနေတွေနဲ့ ရိုဟင်ဂျာ ဒုက္ခသည်တွေအတွက် ထောက်ပံ့ရေး ကိစ္စတွေ အပါအဝင် လက်ရှိ ပြသနာတွေကို ဆွေးနွေးနေတဲ့အကြောင်း ဗြိတိန် နိုင်ငံခြားရေးဝန်ကြီးဌာနက ကြေညာချက် ထုတ်ပြန်ထားပါတယ်။ အီတလီနိုင်ငံ၊ ရောမမြို့က ပြတိုက်တွေ COVID - 19 ကပ်ရောဂါ ကန့်သတ်ချက်တွေကြောင့် ပိတ်ထားရပါတယ်။ ဒီလိုပိတ်ထားရတဲ့အချိန် အခွင့်အလမ်းယူပြီး Palazzo Barberini ရှေးအနုပညာလက်ရာပြတိုက်မှာတော့ အဖိုးတန် အနုပညာလက်ရာတွေကို ပြန်ပြီးပြသနိုင်ဖို့ မွမ်းမံပြင်ဆင်ရေးလုပ်ငန်းတွေ လုပ်ကိုင်နေကြပါတယ်။ ဒီလို နိုင်ငံတကာသတင်းဆောင်းပါးတွေအပြင် နောက်ဆုံးရငွေလဲနှုန်း၊ ရွှေဈေးနဲ့ စက်သုံးဆီဈေးနှုန်းတွေကို ဇွန်လ ၁၈ ရက်နေ့ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။