ဇွန်လ ၉ ရက်
ရန်ကုန်တိုင်းဒေသကြီး သင်္ကန်းကျွန်း မြို့နယ် လိုင်စင်ရုံးအနီးတွင်ဗုဒ္ဓဟူးနေ့ ည ၁၀နာရီ ၅၅မိနစ်ခန့်က ပေါက်ကွဲမှုတစ်ခုဖြစ်ပွားသည်။
" အသံက တော်တော်ကျယ်တယ်။ လိုင်စင်ရုံးနားပေါက်တယ်လို့လဲကြားတယ်။ ညီမတို့ ငမိုးရိပ်ဘက်ကတောင် ကြားရတယ်''ဟု သင်္ကန်းကျွန်း ငမိုးရိပ်ဘက်တွင် နေထိုင်သူတစ်ဦးက ဆိုသည်။
အလယ်တန်းကျောင်းအမှတ် (၁)တွင် စစ်သားနှင့်ရဲများ တပ်စွဲထားပြီး ဗုဒ္ဓဟူးနေ့ နေ့လည်က လက်နက်ကိုင်ဆောင်ထားသည့် စစ်သားများမှ ယခင်နေ့ကထက် ပိုတိုးချထားကြောင်း ဒေသခံများက ပြောသည်။
လက်ရှိတွင် ပေါက်ကွဲမှုဖြစ်ပွားသည့်နေရာ၌ စစ်ကောင်စီတပ်မှ ဝင်ရောက်စစ်ဆေးနေသည်။