နေရပ်စွန့်ခွာ ထွက်ပြေးတိမ်းရှောင်နေရပြီး တောတောင်ထဲတွင် ဒုက္ခရောက်နေရသည့် စစ်ရှောင်ပြည်သူပေါင်း ၁ သိန်းခွဲခန့် အထိ ရှိနေကာ၊ ၎င်းတို့အတွက် ကူညီကယ်ဆယ်ရေးတွေ လုပ်ဆောင်ပေးနိုင်ဖို့ ကြိုးပမ်းနေတယ်လို့ အမျိုးသားညီညွတ်ရေးအစိုးရ၏ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ပြည်ထောင်စုဝန်ကြီး ဒေါက်တာ ဝင်းမြတ်အေးက ပြောပါတယ်။
စစ်ရှောင်ပြည်သူ ၁သိန်းခွဲခန့်ဟာ လက်ရှိအချိန်မှာ အစားအသောက်နဲ့ အသုံးအဆောင်များအပြင် ယာယီခိုလှုံရာစခန်းတွေပါ လိုအပ်နေတာဖြစ်ပြီး ဒါတွေကို ထောက်ပံ့ကူညီနိုင်ဖို့ ၎င်းတို့ရဲ့ ၆ လစာ အသုံးစရိတ်အတွက် ငွေကျပ် ၂၅.၅ ဘီလီယံခန့် လိုအပ်နေတယ်လို့ သိရပါတယ်။
