အမေရိကန်-အိန္ဒိယတို့၏ မဟာဗျူဟာမြောက် မိတ်ဖက်အဖြစ် ပူးပေါင်းမှုကြောင့် ကိုဗစ်-၁၉ ကပ်ရောဂါကို အဆုံးသတ်ရန် အထောက်အကူပြုလိမ့်မည်ဟု အမေရိကန်အမျိုးသားလုံခြုံရေးအကြံပေး ဂျိတ်ဆူလီဗင်က မေလ ၂၇ရက်က ပြောကြားခဲ့သည်။
"ဒီနေ့အိန္ဒိယဝန်ကြီး ဂျိုင်ရှန်ခါနဲ့တွေ့ခဲ့ပါတယ်။ ကျွန်တော်တို့ရဲ့ ပြည်သူအချင်းချင်းဆက်ဆံရေးနဲ့ တန်ဖိုးထားမှုတွေက အမေရိကန်-အိန္ဒိယပူးပေါင်းဆောင်ရွက်မှုရဲ့ အခြေခံအုတ်မြစ်ဖြစ်ပြီး၊ ဒါက ဒီကပ်ရောဂါကို အဆုံးသတ်ဖို့၊ ရာသီဥတုဆိုင်ရာကိစ္စရပ်တွေကို ဦးဆောင်ဖို့နဲ့ လွတ်လပ်ပြီး ပွင့်လင်းတဲ့ အင်ဒို-ပစိဖိတ်ဒေသဖြစ်ဖို့ကို ကူညီနိုင်ပါလိမ့်မယ် " ဂျိတ်ဆူလီဗင်က တွစ်တာတွင်ရေးသားခဲ့သည်။
အိန္ဒိယ ပြင်ပရေးရာဝန်ကြီး ဂျိုင်ရှန်ခါနှင့် တွေ့ဆုံခဲ့ပြီးနောက်တွင် ယင်းမှတ်ချက်ထွက်ပေါ်လာခြင်းဖြစ်ပြီး အင်ဒို-ပစိဖိတ်ရေးရာများ၊ ရာသီဥတုပြောင်းလဲမှုနှင့် အာဖဂန်နစ္စတန် အပါအဝင် ကျယ်ပြန့်သော ကိစ္စရပ်များကို ဆွေးနွေးခဲ့ကြသည်။
"NSA @ ဂျိတ်ဆူလီဗင်၄၆ နဲ့ တွေ့ရတာ ဝမ်းသာပါတယ်။ အင်ဒို-ပစိဖိတ်ရေးရာ၊ ရာသီဥတုပြောင်းလဲမှုနဲ့ အာဖဂန်နစ္စတန် အပါအဝင် ကျယ်ပြန့်တဲ့ ကိစ္စရပ်တွေကို ဆွေးနွေးခဲ့ကြပါတယ်။ ကိုဗစ် စိန်ခေါ်မှုကို ကိုင်တွယ်ရာမှာ အမေရိကန်ရဲ့ အိန္ဒိယနဲ့ အသားတည်းရှိပေးမှုအတွက် ကျေးဇူးတင်ကြောင်း ပြောကြားခဲ့ပါတယ်။ အိန္ဒိယနဲ့ အမေရိကန် ကာကွယ်ဆေးပူးပေါင်းမှုက အမှန်တကယ်ထူးခြားစေနိုင်ပါတယ်" ဟု ဂျိုင်ရှန်ခါက တွစ်တာတွင် ရေးသားခဲ့သည်။
" ကမ္ဘာ့အကြီးဆုံး ဒီမိုကရေစီနိုင်ငံများအကြား ခိုင်မာတဲ့ မိတ်ဖက်ပြုမှုကိုပြန်လည်သုံးသပ်ရန် အတွက် အမေရိကန်အမျိုးသားလုံခြုံရေးအကြံပေး ဂျိတ်ဆူလီဗင်က ဒီနေ့ အိန္ဒိယပြည်ပရေးရာဝန်ကြီး ဂျိုင်ရှန်ခါနဲ့ တွေ့ဆုံခဲ့ပါတယ် " ဟု အမေရိကန် အမျိုးသားလုံခြုံရေးကောင်စီပြောရေးဆိုခွင့်ရှိသူ အမလီဟွန်းက က အိမ်ဖြူတော်ထုတ်ပြန်ချက်တွင်ပြောကြားခဲ့သည်။
နှစ်နိုင်ငံခေါင်းဆောင်များသည် မကြာသေးမီရက်သတ္တပတ်များအတွင်းက ပူးပေါင်းဆောင်ရွက်မှုကို ကြိုဆိုခဲ့ကြပြီး အမေရိကန်ဖက်ဒရယ်နှင့် ပြည်နယ်အစိုးရများ၊ အမေရိကန်ကုမ္ပဏီများနှင့် အမေရိကန်ပြည်သူများမှ ကိုဗစ်-၁၉ သက်သာစေရေးအတွက် ထောက်ပံ့သည့်အနေဖြင့် အမေရိကန်ဒေါ်လာသန်း ၅၀ဝ ကျော်ကို အိန္ဒိယပြည်သူများအတွက် ပေးအပ်ခဲ့သည်ဟု ဟွန်းက ပြောကြားခဲ့သည်။
ဒေသတွင်းနှင့် ကမ္ဘာလုံးဆိုင်ရာပြဿနာများစွာကို ဆွေးနွေးခဲ့ကြပြီး အိန္ဒိယနှင့် ပစိဖိတ်ဒေသအတွင်းရှိ ဘုံစိန်ခေါ်မှုများကို ဖြေရှင်းရန် အမေရိကန်နှင့် အိန္ဒိယတို့သည် အတူတကွ ဆက်လက် လုပ်ဆောင် သင့်ကြောင်း သဘောတူညီခဲ့ကြသည်ဟု ထုတ်ပြန်ချက်တွင် ဖော်ပြထားသည်။
မေလ ၂၄ ရက်မှ ၂၈ ရက်အထိ ခရီးစဉ်အတွင်း အိန္ဒိယပြည်ပရေးရာဝန်ကြီး ဂျိုင်ရှန်ခါသည် အမေရိကန်နိုင်ငံခြားရေးဝန်ကြီးအန်တိုနီဘလင်းကင်အပါအဝင် အဆင့်မြင့်အရာရှိကြီးများနှင့် တွေ့ဆုံခဲ့သည်။
