ဇန်နဝါရီ ၁၄

 ပြီးခဲ့သောနှစ်အတွင်း တရုတ်ဆက်သွယ်ရေးကုမ္ပဏီကြီး ဟွာဝေးသည် တရုတ်အစိုးရနှင့် ပူးပေါင်းပြီး တရုတ်ကွန်မြူနစ်ပါတီအား ဒေတာအချက်အလက်များ ဝေမျှပေးနေသည်ဟု စွပ်စွဲခံထားရသည်။ ယခုတွင် နိုင်ငံတကာ အသိုင်းအဝိုင်းသည် ဟွာဝေးသာမက ZTE ကဲ့သို့ အဓိက တရုတ်ဆက်သွယ်ရေး ကုမ္ပဏီများ၏ အန္တရာယ်များအား သတိပြုလာမိပြီဖြစ်သည်။

အမေရိကန်က ဟွာဝေးအား လုံခြုံရေးအန္တရာယ်အဖြစ် သတ်မှတ်ခဲ့ပြီး အမေရိကန်စာချုပ်များအတွက် လေလံဆွဲရန် မသင့်လျော်ဟု ယူမှတ်သည်။ အမေရိကန်အစိုးရက“အမေရိကန် လေယာဉ်တင်သင်္ဘောအားလုံးသည် သူတို့၏ ဆောက်လုပ်မှုမှ ဟွာဝေးထုတ် ပစ္စည်းများ ဖယ်ရှားမည်”ဟု ကြေညာခဲ့သည်။

ဟွာဝေးပစ္စည်းများနေရာကို အစားထိုးသုံးစွဲခြင်းအတွက် ကုန်ကျငွေကို အမေရိကန်ဖက်ဒရယ်အစိုးရမှ ပေးမည်ဖြစ်သည်။ ထိုလှုပ်ရှားမှုသည် ဟွာဝေးသည် အမေရိကန်အတွက် မည်မျှကြီးသော ခြိမ်းခြောက်မှုဖြစ်ကြောင်း မြင်စေသည်။

ဟွာဝေး၏ အဖြစ်အပျက်ကို လူသိများသော်လည်း တရုတ်သည် အင်တာနက်နှင့် ၎င်းမှတစ်ဆင့် ကိုယ်ရေးကိုယ်တာနှင့် အထိခိုက်မခံသော ဒေတာအားလုံးကို ထိန်းချုပ်ရန် ကြိုးစားနေသည့် အခြားဥပမာတစ်ခု ရှိသေးသည်။

တရုတ်နိုင်ငံ၏ ကမ္ဘာလုံးဆိုင်ရာ ကွန်ရက်များကို ထိန်းချုပ်ရန် ကြိုးပမ်းမှုသည် သမုဒ္ဒရာအောက် ရေအောက်ကေဘယ်ကြိုးများကို ထိန်းချုပ်ခြင်းဖြစ်သည်။ အကြမ်းအားဖြင့် လက်ရှိအလုပ်လုပ်နေသော   ရေအောက်ကေဘယ် ၃၈၀ (အဓိကအားဖြင့် fiber-optic လိုင်းများ) သည် ကမ္ဘာ့အချက်အလက်များ၏ ၉၅ ရာခိုင်နှုန်းကို သယ်ဆောင်နိုင်သည်။
 
အချက်အလက် ကုန်ကူးခြင်း၏ ကြီးမားသောပမာဏသည် စီးပွားရေးနှင့် နိုင်ငံများ၏ အမျိုးသားလုံခြုံရေးနှင့်သက်ဆိုင်သဖြင့် အဆိုပါ ကေဘယ်လိုင်းများ၏အရေးပါမှုပေါ်လွင်စေသည်။ အမေရိကန်နှင့် အခြားနိုင်ငံများမှ လုံခြုံရေးအရာရှိများက ယင်းအရေးပါသော ကေဘယ်များကို တိုက်ခိုက်ခြင်း သို့မဟုတ် သူလျှိုလုပ်ခြေရှိနေသဖြင့် ပိုပြီးအကဲဆတ်လာနေသည်ဟု ယုံကြည်ကြသည်။

စိတ်ဝင်စားဖွယ်ကောင်းတာကတော့ ဟွာဝေးနည်းပညာကုမ္ပဏီလိမိတက်၏ ကုမ္ပဏီခွဲ ဟွာဝေးအဏ္ဏဝါ  သည် အကြမ်းအားဖြင့် ကမ္ဘာတစ်ဝှမ်း မြေအောက်ကေဘယ်စီမံကိန်း ၉၀ ခန့်အား တည်ဆောက်ခြင်း သို့မဟုတ် အဆင့်မြှင့်တင်ခြင်းတို့အား လုပ်ဆောင်ခဲ့သည်။

၂၀၁၈ ခုနှစ် စက်တင်ဘာလတွင် တရုတ်ကုမ္ပဏီသည် ဘရာဇီးနှင့် ကင်မရွန်း ဆက်သွယ်သည့် ၃၇၅၀ မိုင် ကေဘယ်ကြိုးကို ပြီးစီးခဲ့သည်။ ကုမ္ပဏီသည် ဥရောပ၊ အာရှနှင့် အာဖရိကကို ဆက်သွယ်ထားသော မိုင် ၇၅၀၀ ရှည်သော ကေဘယ်ကြိုးစီမံကိန်းကို လုပ်ကိုင်ခဲ့သည်။ ဟွာဝေးသည် ကမ္ဘာအနှံ့တွင် ရေအောက်ကေဘယ်ကြိုးများကို တည်ဆောက်ခြင်းနှင့် အဆင့်မြှင့်တင်ခြင်းတွင် ပါဝင်ခဲ့သည်ဟူသော အချက်သည် အန္တရာယ်သတိပေးချက်များစွာ ဖြစ်ပေါ်လာစေသည်။

ကုမ္ပဏီသည် CCP ၏ အပေါင်ပစ္စည်းတစ်ခုသာ ဖြစ်သည်ပြီး CCP ကဆန္ဒရှိပါက ဟွာဝေးမှ ဒေတာအားလုံးကို တောင်းခံနိုင်သည်ဟု ယုံကြည်သောကြောင့် အမေရိကန်သည် ဟွာဝေးအား လုံခြုံရေးအန္တရာယ်အဖြစ် မြင်သည်။

ထိုကဲ့သို့သောအခြေအနေမျိုးတွင် ဟွာဝေးသည် ပေဂျင်းအား သူတောင်းဆိုသော ဒေတာများအားလုံးကို ပေးရန်ဥပဒေအရ လိုက်နာဆောင်ရွက်ရလိမ့်မည်။  တရုတ်ဥပဒေအရ မည်သည့်နိုင်ငံသား သို့မဟုတ် ပုဂ္ဂလိကကုမ္ပဏီမဆို တရုတ်အာဏာပိုင်များအား ထောက်လှမ်းရေးဆိုင်ရာ ကြိုးပမ်းမှုများတွင် ကူညီရန်တာဝန်ရှိသည်။

အမေရိကန်တာဝန်ရှိသူများက ရေအောက်ကေဘယ်များအပေါ် ဟွာဝေး၏ အတွင်းကျကျ သိရှိမှုနှင့် ဝင်ရောက်ခွင့်သည် CCP အား ဒေတာစီးဆင်းမှုကို ခြေရာခံရန်နှင့် စောင့်ကြည့်ရန် ကိရိယာများကို တပ်ဆင်ရန်ခွင့်ပြုနိုင်သည်ဟု ဖော်ပြထားသည်။ ပဋိပက္ခဖြစ်ပွားသည့်အချိန်များတွင် တရုတ်နိုင်ငံသည် တိုင်းပြည်တစ်ခုလုံးနှင့် အဆက်အသွယ်ဖြတ်နိုင်သည်။

အမေရိကန်နှင့် ၎င်း၏မဟာမိတ်များသည် တရုတ်၏ ဘဏ္ဏာရေးဝင်ရောက်စွက်ဖက်မှုများ စာရင်း၊ ဟွာဝေးကဲ့သို့သော တရုတ်ကုမ္ပဏီများအပေါ် CCP ၏ သြဇာကြီးထွားလာမှုနှင့် ပေကျင်းအား ထောက်လှမ်းရေးလုပ်ငန်းများတွင် ကူညီရန်ကုမ္ပဏီများအား လိုအပ်သည့် တရုတ်ဥပဒေအား အကြိမ်ကြိမ်ထောက်ပြခဲ့သည်။

Wall Street ဂျာနယ်၏ အဆိုအရ၊ ၂၀၁၇ ခုနှစ်တွင် ထိုအချိန်က သြစတြေးလျ၏ လျှို့ဝှက်ဝန်ဆောင်မှု ထောက်လှမ်းရေးအဖွဲ့ ခေါင်းဆောင် နစ်ခ်ဝါနာသည် ဆစ်ဒနီကို မဟာဗျူဟာကျသော တောင်ပစိဖိတ်ကျွန်းစု ဆော်လမွန်ကျွန်းနှင့် ဆက်သွယ်မည့် ရေအောက်ကေဘယ်ကြိုးစာချုပ်ကို ပိတ်ပင်ရန် ကြိုးစားခဲ့သည်။

ခရီးစဉ်အတွင်း ဝါနကဟွာဝေးမရိန်းနှင့် ကမ်းလှမ်းထားသော သဘောတူညီမှုသည် ဆစ်ဒနီမှ တစ်ဆင့် ဩစတြေးလျ၏ အင်တာနက်ကွန်ယက်ကို တရုတ်အားလက်လှမ်းမီစေနိုင်ကြောင်းနှင့် ၎င်းသည် ဆိုက်ဘာအန္တရာယ်ကို ဖြစ်ပေါ်စေလိမ့်မည်ဟု ဆောလမွန်ဝန်ကြီးချုပ်အား သတိပေးပြောကြားခဲ့သည်။

နောက်ဆုံးတွင် သြစတြေးလျသည် ကေဘယ်လ်စီမံကိန်းအတွက် ငွေကြေးထောက်ပံ့ရန် ဆုံးဖြတ်ခဲ့ပြီး ယုံကြည်ရသော သြစတြေးလျကုမ္ပဏီတစ်ခုနှင့် စာချုပ်ချုပ်ခဲ့သည်။ ရေအောက်ကေဘယ်ကြိုးများတွင် တရုတ်နိုင်ငံ၏ ပါဝင်ပတ်သက်သော အဓိကခြိမ်းခြောက်မှုများနှင့် ပြဿနာများသည် ဟွာဝေးနှင့် 5G တို့၏ ပြဿနာများကို ထင်ဟပ်ပြသနေသည်။

တရုတ်သည် ရေအောက်ကေဘယ်ကြိုးများ၊ မြေပေါ်မြေအောက်နှင့် ဂြိုလ်တုဆက်သွယ်မှုများ ပါဝင်သည့် '' ဒစ်ဂျစ်တယ်ပိုးလမ်းမကြီး '' ကို ဖန်တီးရန် ရည်ရွယ်သည်။ ၂၀၁၀ ခုနှစ် ဇန်နဝါရီလတွင် ပင်တဂွန်၏အစီရင်ခံစာတွင် ရေအောက်ကေဘယ်ကြိုးများသည် နိုင်ငံများကိုအကျိုးပြုနိုင်သော်လည်း တရုတ်နိုင်ငံအား ' နိုင်ငံခြားနည်းပညာကိုရယူရန်' နှင့် ‘နိုင်ငံရေးအရလှုံ့ဆော်သောဆင်ဆာလုပ်ခြင်း’ကို ခွင့်ပြုနိုင်သည်ဟု ဖော်ပြထားသည်။

 တရုတ်အစိုးရ၏ မဟာဗျူဟာစာတမ်းများအရ ဟွာဝေးသည် ရေအောက်ကေဘယ်ကြိုးနှင့် အရေးကြီးသောအခန်းကဏ္ဍတွင် ပါဝင်ကြောင်းဖော်ပြခဲ့သည်။ ၂၀၁၇ ခုနှစ်တွင် ဗြိတိန်နိုင်ငံ၏ အမျိုးသားလုံခြုံရေးအကြံပေးသူ မာ့ခ် ဆက်ဒ်ဝဲလ်က ရေအောက်ကေဘယ်ကြိုးများအား လုံခြုံစိတ်ချရခြင်း၏ အရေးကြီးမှုကို ပါလီမန်ကြားနာခြင်းတွင်ပြောကြားခဲ့သည်မှာ ယင်းကေဘယ်ကြိုးများကို တိုက်ခိုက်ခြင်းသည် ဒုတိယကမ္ဘာစစ်အတွင်းရှိ လန်ဒန်ဆိပ်ကမ်း ဗုံးဖောက်ခွဲမှုနှင့် အတူတူပင်ဖြစ်သည်ဟု ပြောကြားခဲ့သည်။

ဟွာဝေးမရိန်း၏ စီမံကိန်းအများစုသည် လက်ရှိတွင် ဖွံ့ဖြိုးဆဲနိုင်ငံများတွင်ဖြစ်သည်။ ကေဘယ်လ်ကြိုးများကို တရုတ်နိုင်ငံပိုင် ကုမ္ပဏီများက ငွေကြေးထောက်ပံ့နေသည်။ ဘရာဇီး - ကင်မရွန်း ဆက်သွယ်ရေးလမ်းကြောင်းကို တရုတ်ပို့ကုန်နှင့်သွင်းကုန်ဘဏ်နှင့် တရုတ်ဆက်သွယ်ရေး အော်ပရေတာ China Unicom တို့က ငွေကြေးထောက်ပံ့ခဲ့သည်။ ဟွာဝေးမရိန်းမှ လုပ်ဆောင်ခဲ့သော နောက်ထပ် အာရှ - အာဖရိက - ဥရောပကေဘယ်ကို တရုတ်ဆောက်လုပ်ရေးဘဏ်မှ ငွေကြေးထောက်ပံ့ခဲ့သည်။
Subtle Telecom Forum ၏ အစီရင်ခံစာအရ “တရုတ်နိုင်ငံ၏ ရေငုပ်သင်္ဘော တရုတ်နိုင်ငံ၏ တည်ရှိမှုကို ဂျပန်အစိုးရတန်ပြန်သည်”ဟု ခေါင်းစဉ်တပ်ခဲ့သည်။

ဂျပန် ရေအောက်ကေဘယ်များ တင်ပို့သော ကုမ္ပဏီများအား သိသိသာသာ အကူအညီများ ပေးခြင်းအားဖြင့် ရေအောက်ကေဘယ်ဈေးကွက်တွင် တရုတ်၏တည်ရှိမှုကို တန်ပြန်ရန် ကြိုးစားနေသည်။ အဆိုပါအစီရင်ခံစာတွင် ဂျပန်သည် တရုတ်ဦးဆောင်သော ကမ္ဘာတစ်ဝှမ်း ရေအောက်ကေဘယ်ကွန်ယက်သည် 'အချက်အလက်ခိုးနားထောင်ခြင်း' ကဲ့သို့သော ပြဿနာများသို့ ဦးတည်သွားနိုင်သည့် အလားအလာကြောင့် လှုံ့ဆော်ခံခဲ့ရသည်ဟုဆိုခဲ့သည်။ ဂျပန်၏မူဝါဒအသစ်သည် နိုင်ငံခြားရေအောက် ကေဘယ်ကြိုးစီမံကိန်းများကို ဆောင်ရွက်မည့် ပြည်တွင်းပုဂ္ဂလိကကုမ္ပဏီများသည် ရင်းနှီးမြှုပ်နှံမှုများနှင့် ငွေကြေးများမှတစ်ဆင့် မက်လုံးများပေးမည့် စနစ်တစ်ခုကို တည်ထောင်ရန် ကြိုးပမ်းသည်။ ယင်းကိစ္စနှင့် ပတ်သက်၍ အစိုးရအဖွဲ့၏ ဆုံးဖြတ်ချက်ကို မကြာမီစောင့်ဆိုင်းရတော့မည်ဖြစ်သည်။

 လက်ရှိတွင် ဟွာဝေးမရိန်းသည် ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့က ထောက်ပံ့သောစီမံကိန်းအတွက် တင်ဒါလျောက်ထားသည်။ စီမံကိန်းသည် ကျွန်းနိုင်ငံဖြစ်သော Nauru၊ Micronesia Federated States (FSM) နှင့် Kiribati တို့အား ဆက်သွယ်ရေးကို တိုးတက်စေရန် ရည်ရွယ်သည်။

အမေရိကန်ပြည်ထောင်စုသည် FSM သို့ ၎င်းတို့အနေဖြင့် မဟာဗျူဟာဆိုင်ရာစိုးရိမ်မှုများနှင့် ဟွာဝေးမရိန်းအား စီမံကိန်းအား လုပ်ကိုင်ခွင့်ပြုခြင်းသည် ဒေသ၏လုံခြုံရေးကို မည်သို့ထိခိုက်စေကြောင်းဖော်ပြခဲ့သည့် သတင်းစကားများပေးပို့ခဲ့သည်။
ဟွာဝေးမရိန်းကုမ္ပဏီ၏ အရှေ့ Micronesia စီမံကိန်းများအတွက် တင်ဒါမှာ အခြားပြိုင်ဘက်များထက် ၂၀ ရာခိုင်နှုန်းကျော် နည်းပါးသောကြောင့် ၎င်းသည် ကုန်ကျစရိတ်သက်သာသည့် ရှုထောင့်မှ အဆွဲဆောင်နိုင်ဆုံးသူဖြစ်သည်။ ဟွာဝေးမရိန်းသည် အမေရိကန်ကုမ္ပဏီများမှ ကုန်ပစ္စည်းများနှင့် နည်းပညာများရယူခြင်းမှ တားဆီးသော အမေရိကန်၏ Entity List တွင် စာရင်းသွင်းထားခံရသည်။
 
တရုတ်သည် နည်းပညာနှင့်ဒေတာအတွက် နိုင်ငံတကာအသိုင်းအဝိုင်းတွင် အလွန်မကောင်းသော ဂုဏ်သတင်းရရှိခဲ့သည်။ စင်ကာပူဒေါ်လာပြဿနာပြီးနောက် အပြည်ပြည်ဆိုင်ရာအသိုင်းအဝိုင်းသည် ဟွာဝေးနှင့် ZTE တို့ကဲ့သို့သော တရုတ်ကုမ္ပဏီများကို အပြည့်အဝယုံကြည်၍ မရရှိနိုင်ကြောင်း သဘောပေါက်ခဲ့သည်။ ထိခိုက်လွယ်သော အခြေခံအဆောက်အအုံများတွင် ဤကုမ္ပဏီများ ပါဝင်ခြင်းသည် တိုင်းပြည်အတွက် မလိုလားအပ်သော လုံခြုံရေးဆိုင်ရာ အန္တရာယ်များကို ပေါ်လာစေလိမ့်မည်။

အတင်းအဓမ္မ နည်းပညာလွှဲပြောင်းမှုများနှင့် IP ခိုးယူမှုများ၏ စဉ်ဆက်မပြတ် စွပ်စွဲချက်များလည်း မကူညီနိုင်ပေ။ CCP သည် သူလျှိုလုပ်ငန်းများလုပ်ကိုင်ရန် ဟွာဝေးကိုအသုံးပြုရန် ကြိုးစားနေသည်ကို ကမ္ဘာက သိမြင်လာသည့်အခါ CCP သည် ဟွာဝေးမရိန်း ပိုင်ဆိုင်ခွင့်အား အခြားတရုတ်ကုမ္ပဏီတစ်ခု Hentong Optic-Electric Co Ltd သို့လွှဲပြောင်းခြင်းဖြင့် ဟွာဝေးနှင့် ဝေးကွာသွားစေရန် ကြိုးစားနေသည်။ ဟွာဝေးမရိန်းပိုင်ဆိုင်ခွင့်အား Hentong Groupသို့ လွှဲပြောင်းခြင်းဖြင့် ဟွာဝေးမရိန်းသည် အမေရိကန်၏ ဒဏ်ခတ်ပိတ်ဆို့မှုများနှင့် တန်ပြန်အကျိုးသက်ရောက်မှုများကို ရှောင်ရှားနိုင်ရန် ပေကျင်းက မျှော်လင့်နေသည်။

 ရေအောက်ကေဘယ်ကြိုးများအား ထိန်းချုပ်နိုင်ခြင်းဖြင့် တရုတ်နိုင်ငံသည ်နိုင်ငံများအကြား ဒေတာစီးဆင်းမှုကို ရရှိလိမ့်မည်။ ထိုကေဘယ်ကြိုးများသည် ဂြိုဟ်တုများထက် စွမ်းရည်ပိုမိုမြင့်မားသောကြောင့် နိုင်ငံများအတွက်အရေးပါသည်။ တရုတ်နှင့် CCP တို့သည် Great Firewall မှတဆင့် သူတို့၏ ပြည်တွင်းအင်တာနက်ကို တင်းကျပ်စွာထိန်းချုပ်ထားပြီးဖြစ်သည်။ သူတို့က ၎င်းကိုအသုံးပြုပြီး လိုအပ်သောနေရာများကိုစိစစ်ရန်နှင့်သူတို့အတွက် အန္တရာယ်ဖြစ်စေနိုင်သော သို့မဟုတ် ၎င်းတို့၏ဇာတ်ကြောင်းနှင့် ဆန့်ကျင်သော အွန်လိုင်းလှုပ်ရှားမှုများကို ဆင်ဆာပြုလုပ်ရန်အသုံးပြုသည်။
CCPသည် ရေအောက်ကေဘယ်ကြိုးများအား ကြိုးကိုင်ခြယ်လှယ်ခြင်းအားဖြင့် ကမ္ဘာ့အင်တာနက်လှုပ်ရှားမှုများကို ၎င်းအတိုင်းအတာထိ ထိန်းချုပ်နိုင်လျှင်၊ သူတို့သည် CCP နှင့် တရုတ်ကို အကြီးအကျယ် မျက်နှာသာပေးသည့် ဇာတ်ကြောင်းများကို ဖန်တီးနိုင်သည်။