ဇန်နဝါရီ ၁၀၊ ၂၀၂၁
တနင်္သာရီတိုင်းဒေသကြီး၊ မြိတ်မြို့နယ် ရွေးကောက်ပွဲ ကော်မရှင်အဖွဲ့ခွဲက ထိန်းသိမ်းထားသည့် ၂၀၁၅ ခုနှစ် ရွေးကောက်ပွဲဆိုင်ရာ စာရွက်စာတမ်းနှင့် မဲလက်မှတ်ဟောင်းများကို ဇန်နဝါရီလ ၉ ရက်နေ့ နံနက်ပိုင်းက ဥပဒေနှင့်အညီ မီးရှို့ဖျက်ဆီးခဲ့သည်။
ဓာတ်ပုံ - ဒီမိုးသွေး ( မြိတ် )
အဆိုပါ မဲလက်မှတ်ဟောင်းများကို ကလွင်ကျေးရွာအုပ်စု၊ ကလွင်ရွာမ အရှေကုန်းရပ်၊ မြို့ပတ် (၁) လမ်းရှိ အမှိုက်ပုံအနီး လယ်ကွင်းပြင်တွင် မီးရှို့ဖျက်ဆီးခဲ့ကြောင်း သိရသည်။
ဓာတ်ပုံ - ဒီမိုးသွေး ( မြိတ် )
မြိတ်မြို့နယ် ရွေးကောက်ပွဲဆိုင်ရာ စာရွက်စာတမ်းများ ဖျက်ဆီးရေးအဖွဲ့ ခေါင်းဆောင် ဦးရွှေဟိုက “အခု မီးရှို့ဖျက်ဆီးတာက ၂၀၁၅ ခုနှစ် ရွေးကောက်ပွဲတုန်းက ထိန်းသိမ်းထားတဲ့ မဲစာရင်းနဲ့ မဲလက်မှတ်ဟောင်းတွေ ဖြစ်တယ်” ဟု ပြောသည်။
ဓာတ်ပုံ - ဒီမိုးသွေး ( မြိတ် )
မြိတ်မြို့နယ်အတွင်းရှိ မဲရုံပေါင်း ၂၂၀ တို့မှ ရွေးကောက်ပွဲဆိုင်ရာ စာရွက်စာတမ်းနှင့် မဲလက်မှတ်များ ထည့်ထားသည့် ဆာလာအိတ် အထုပ် စုစုပေါင်း ၂၂၀ အိတ်တို့ကို မီးရှို့ဖျက်ဆီးခဲ့ကြောင်း သိရသည်။
ဓာတ်ပုံ - ဒီမိုးသွေး ( မြိတ် )
အခြားတိုင်းဒေသကြီးနှင့် ပြည်နယ်များတွင်လည်း မြို့နယ်အလိုက် ၂၀၁၅ ခုနှစ် ရွေးကောက်ပွဲနှင့် ကြားဖြတ်ရွေးကောက်ပွဲဆိုင်ရာ စာရွက်စာတများ၊ မဲလက်မှတ်ဟောင်းများကို မီးရှို့ဖျက်ဆီးမှုများ လုပ်ဆောင်နေသည်။ ယင်းသို့ ဖျက်ဆီးခြင်းမှာ ရွေးကောက်ပွဲ နည်းဥပဒေ ပုဒ်မ၊ ၈၆ (ခ) အရ ကာလစည်းကမ်း သတ်မှတ်ချက် ကျော်လွန်သွားခြင်းကြောင့် ဖျက်ဆီးခြင်းဖြစ်ကြောင်း သိရသည်။
