ဒီဇင်ဘာ ၂၁

အွန်လိုင်းအရောင်းကုမ္ပဏီဖြစ်သော Amazon.com Inc သည် နယူးဂျာစီရှိ ကုန်ပစ္စည်းသိုလှောင်ရုံမှ ဝန်ထမ်းများအကြား ရောဂါလက္ခဏာမပြဘဲ ကိုဗစ်-၁၉ ကူးစက်မှုများဖြစ်နေသည်ကို တွေ့ရှိပြီးနောက် ဒီဇင်ဘာ ၂၆ ရက်အထိ အဆိုပါသိုလှောင်ရုံကို ပိတ်လိုက်ကြောင်း တနင်္ဂနွေနေ့တွင် ထုတ်ပြန်လိုက်သည်။ 

ကမ္ဘာ့အကြီးဆုံးအွန်လိုင်းလက်လီအရောင်းဆိုင်ဖြစ်သော Amazon က ပိတ်သိမ်းမှုကြောင့် လုပ်ငန်းလည်ပတ်မှုနှင့်ပို့ဆောင်မှုများအပေါ် သက်ရောက်မှုရှိမည်မဟုတ်ဟု ဆိုသည်။ 

ကုန်ပစ္စည်းများထုပ်ပိုးသည့် PNE5 သိုလှောင်ရုံတွင် ရောဂါကူးစက်ခံရသည့်ဝန်ထမ်းအရေအတွက်ကိုမူ မပြောကြားခဲ့ပေ။ သိုလှောင်ရုံပိတ်သိမ်းလိုက်ခြင်းကြောင့် အလုပ်နားရသူများကိုလည်း လုပ်ခလစာပေးအပ်သွားမည်ဟု ဆိုသည်။

ကုမ္ပဏီ၏ ကိုဗစ်-၁၉ တုံ့ပြန်မှုအပေါ် ဝေဖန်သော အလုပ်သမားရှေ့နေများ၏ဖွင့်ဟချက်အရ အောက်တိုဘာက အမေရိကန်ရှိ ရှေ့တန်းအလုပ်သမားများ၏ ၁၉ ၀၀၀ ကျော် (၁.၄၄ %) သည် ကိုရိုနာဗိုင်းရပ်စ်ကူးစက်ခံရသည်ဟု ဆိုသည်။

ပြီးခဲ့သည့်လအတွင်းက အချို့သောဝန်ထမ်းများ၊ ရွေးကောက်ခံအရာရှိများနှင့် သမဂ္ဂများ၏ ပြောဆိုချက်အရ Amazon သည် ကပ်ရောဂါကာလအတွင်း၌ ကုန်သိုလှောင်ရုံများကို ဆက်လက်ဖွင့်ထားခဲ့ခြင်းဖြင့် ဝန်ထမ်းများ၏ကျန်းမာရေးကို အန္တရာယ်ကျရောက်စေခဲ့သည်ဟု ဆိုသည်။

ပြီးခဲ့သည့်လ၌ တစ်နေ့လျှင် အမေရိကန်ရှိဝန်ထမ်း ၅၀ ၀၀၀ အထိ ဗိုင်းရပ်စ်စစ်ဆေးပေးသွားမည်ဟု ကုမ္ပဏီက ပြောခဲ့သည်။