အေးချမ်းတဲ့ ဆောင်းရာသီ၊ ခရစ္စမတ်အချိန်အခါကို ရောက်လာပါပြီ။ ပုံမှန်ဆို ခရစ္စမတ်ရာသီရောက်လာတာနဲ့ ဂျင်းနံ့သင်းသင်း ဘီစကွတ်မုန့် gingerbread အပြားတွေကို အိမ်အဖြစ်ဆောက်ပြီး အလှဆင်လေ့ရှိကြပါတယ်။ ဆွီဒင်နိုင်ငံမှာက gingerbread အိမ်ဆောက်အလှဆင်တဲ့ ပြိုင်ပွဲကို နှစ်စဉ်အကြီးအကျယ်ကျင်းပလေ့ရှိပေမယ့် ဒီနှစ်မှာတော့ ကပ်ရောဂါကြောင့် ပုံစံပြောင်း ကျင်းပနေပါတယ်။ လူကိုယ်တိုင် မလာနိုင်တဲ့ ပရိသတ်တွေအတွက် အလှဆင်ထားတဲ့ အိမ်တွေကို ၃ဖက်မြင် ပုံရိပ်တုနည်းပညာနဲ့ ကြည့်နိုင်အောင် ဖန်တီးပေးထားပါတယ်။ ရိုက်တာသတင်းဆောင်းပါးတပုဒ်ကို အလိမ္မာက တင်ဆက်ထားပါတယ်။