ကိုဗစ်ရောဂါ ကူးစက်ဖြစ်ပွားမှုရော သေဆုံးမှုပါ အများဆုံးဖြစ်နေတဲ့ ရန်ကုန်တိုင်းဒေသကြီးအတွင်း ကန့်သတ်ချက်တွေ ပိုတင်းကျပ်ထားတဲ့ Stay at Home အမိန့်ကို ဒီဇင်ဘာလလယ်အထိ ထပ်တိုး ထုတ်ပြန်ထားပေမယ့် ပြီးခဲ့တဲ့ရက်တွေအတွင်း အများပြည်သူ အပန်းဖြေရာ နေရာတွေမှာ လည်ပတ်သွားလာသူတွေ များပြားခဲ့ပြီး လူစုလူဝေး ဖြစ်ပွားမှုတွေ ရှိခဲ့ပါတယ်။
အဲ့ဒီနောက် ရန်ကုန်မှာ ဒီဇင်ဘာလ ၇ ရက်နေ့ကစပြီး ကိုဗစ်ရောဂါ ကာကွယ်ထိန်းချုပ်ရေး ပြန်လည် တင်းကျပ် ဆောင်ရွက်နေတယ်လို့ သက်ဆိုင်ရာ မြို့နယ် ကိုဗစ်ကော်မတီတွေဆီကနေ သိရပါတယ်။
ပြီးခဲ့တဲ့ ရက်တွေအတွင်း လူသွားလူလာများခဲ့တဲ့ အင်းယားကန်ဘောင်နဲ့ ရန်ကုန်မြို့လယ်က မဟာဗန္ဓုလပန်းခြံကိုလည်း ပိတ်ထားလိုက်ပြီဖြစ်ပြီး ရန်ကုန်တက္ကသိုလ်ကိုလည်း ပြင်ပလူ ဝင်ထွက်ခွင့် ပိတ်ထားတယ်လို့ သိရပါတယ်။
တည်းဖြတ် / တင်ဆက် - ဖူးအိအိနွယ်
