အောက်တိုဘာလ ၊ ၁၂ ၊ ၂၀၂၀
ကယားပြည်နယ် ဝန်ကြီးချုပ်ဟောင်း ဦးအယ်လ်ဖောင်းရှိုကို ငွေကြေး သုံးစွဲမှုများနှင့် ပတ်သက်၍ ဥပဒေနှင့်အညီ အရေးယူဆောင်ရွက်ပေးရန် လွိုင်ကော် မြို့မရဲစခန်းတွင် အောက်တိုဘာလ ၁၀ ရက်နေ့က တိုင်ကြားထား ကြောင်း ပြည်နယ် လွှတ်တော်ကိုယ်စားလှယ် ဦးသဲရယ်က ပြောသည်။
- အထက်လူကြီးများ၏ ဆုံးဖြတ်ချက်အပေါ် ကျေနပ်ကြောင်း ဦးအယ်လ်ဖောင်းရှို တုံ့ပြန်
- ယာယီ ကယားပြည်နယ်ဝန်ကြီးချုပ်အဖြစ် ဦးဘော့စ်ကိုအား ခန့်အပ်
စက်တင်ဘာလ ၃၀ ရက်နေ့က အဂတိ လိုက်စားမှု တိုက်ဖျက်ရေး ကော်မရှင်မှ အကြောင်းပြန်ကြားထားသည့် စာအရ ဦးအယ်လ်ဖောင်းရှိုကို ယခုကဲ့သို့ တိုင်ကြားခြင်း ဖြစ်ကြောင်း ဆိုသည်။
- ကယားပြည်နယ် ဝန်ကြီးချုပ်ဟောင်းအား အဂတိကော်မရှင်သို့ တိုင်ကြားထားသော်လည်း အကြောင်းပြန်ခြင်း မရှိသေးဟုဆို
- ကယားပြည်နယ်ဝန်ကြီးချုပ် ဦးအယ်လ်ဖောင်းရှို တာဝန်မှရပ်စဲခံရပြီ
- ကယားပြည်နယ်ဝန်ကြီးချုပ်ကိုစွပ်စွဲပြစ်တင်မှုကို ပြည်နယ်လွှတ်တော်က အတည်ပြု
- ကယားဝန်ကြီးချုပ် အယ်ဖောင်းရှိုးကို စွပ်စွဲပြစ်တင်ထားသည့်အစီရင်ခံစာ စက်တင်ဘာ ၂ ရက်နေ့ လွှတ်တော်တင်မည်
“ပြန်လာစာထဲမှာ ထူးခြားတာ ဘာရေးထားသလဲဆိုရင် သက်ဆိုင်ရာ ဌာနကနေပြီးတော့မှ တည်ဆဲဥပဒေနဲ့ အရေးယူဆောင်ရွက်ပါဆိုတဲ့ စာပါလာတယ်။ အဲဒီစာအရပဲ ကျွန်တော်ဖတ်ပြီးမှ ရဲစခန်းမှာ အမှုတိုင်ကြားတာ” ဟု ဦးသဲရယ်က ယနေ့ အောက်တိုဘာလ ၁၂ ရက် ပြည်နယ်လွှတ်တော်ရုံးတွင် သတင်းထောက်များအား တွေ့ဆုံစဉ် ပြောကြားသည်။
လွိုင်ကော် မြို့မရဲစခန်းသို့ ကိုယ်တိုင် အမှုတိုင်ကြားသူ ဦးသဲရယ်က လတ်တလောတွင် ရဲစခန်းက အမှုဖွင့်ပေးခြင်း မရှိသေးကြောင်း ပြောသည်။
- ကယားပြည်နယ်ဝန်ကြီးချုပ် ဦးအယ်လ်ဖောင်းရှို တာဝန်မှရပ်စဲခံရပြီ
- ဦးအယ်လ်ဖောင်းရှိုနှင့် ကယားပြည်နယ် လွှတ်တော် ဥက္ကဋ္ဌအမှု e-Court စနစ်ဖြင့် ကြားနာမည်
- ဦးအယ်လ်ဖောင်းရှိုအား တိုင်ကြားမှုကို စစ်ဆေးခွင့်မရှိကြောင်း အဂတိကော်မရှင် အကြောင်းပြန်
“ဥပဒေရဲ့ အသွားအလာအရ ဆိုလို့ ရှိရင်တော့ ဒါ သွားတိုင်တာနဲ့ကို ချက်ချင်း အမှုဖွင့်ပေးရဆိုတာ ကျွန်တော်တို့ သိရတာပေါ့လေ။ ဒါပေမယ့် အခုက ရဲစခန်းက အချိန်ဆွဲတာတော့ ဘာသဘောလဲ မသိဘူးပေါ့။ တိုင်ရတဲ့ အကြောင်းအရင်ကတော့ ဒီ စက်ယန္တရားနဲ့ ငွေကြေးကိစ္စတွေပါပဲ၊ တခြား မပါဘူး” ဟု ဦးသဲရယ်က ရှင်းပြသည်။
အဂတိလိုက်စားမှု တိုက်ဖျက်ရေး ကော်မရှင်က ပြီးခဲ့သည့် စက်တင်ဘာလ ၃၀ ရက်နေ့ အကြောင်း ပြန်ကြားသည့်စာတွင် သက်ဆိုင်ရာဌာနမှ တည်ဆဲဥပဒေနှင့်အညီ ဆောင်ရွက်ရမည် ကိစ္စဖြစ်ကြောင်း ဖော်ပြပါရှိသည်။
ဦးသဲရယ်သည် ကယားပြည်နယ် ဝန်ကြီးချုပ်အပေါ် စွပ်စွဲပြစ်တင်မှု၌ ကယားပြည်နယ် လွှတ်တော်မှ ဖွဲ့စည်းပေးထားသည့် စုံစမ်းစစ်ဆေးရေး အဖွဲ့တွင် ဥက္ကဋ္ဌအဖြစ် တာဝန်ယူခဲ့သူလည်း ဖြစ်သည်။
