မိသားစုဝင်တစ်ဦးမှတစ်ဆင့် ကိုဗစ်ပိုးကူးစက်ခံခဲ့ရတဲ့ မြန်မာနိုင်ငံမှာ အသက်အကြီးဆုံးကိုဗစ်လူနာ အသက် ၁ဝဝ အရွယ်အဖွား၊ အငယ်ဆုံးမိသားစုဝင် ၄ လသားအရွယ် ကလေးငယ်တစ်ဦးအပါအဝင် မိသားစုဝင် ဆယ်ဦးစလုံး ဆေးရုံဆင်းခွင့်ရလို့ အင်းစိန်မြို့နယ်၊ ရဲဘော် ၁ လမ်းက နေအိမ်ကို ပြန်လည်ရောက်ရှိနေကြပါပြီ။
ကိုဗစ်ကို ဘယ်လိုကြံ့ကြံ့ခိုင်ရင်ဆိုင်နိုင်ခဲ့လဲဆိုတာနဲ့ သူတို့ရဲ့ အတွေ့အကြုံတွေကို မဇ္ဈိမက သတင်းထောက် မဖူးအိအိနွယ်က ဆက်သွယ်မေးမြန်းထားပါတယ်။
