သမ္မတ ဒေါ်နယ်ထရမ့်ရဲ့ ဒုတိယသက်တမ်း ရွေးကောက်ပွဲ စည်းရုံးရေးမှာ အဓိကဆောင်ပုဒ်က “ငြိမ်ဝပ်ပိပြားရေး” ဖြစ်ပါတယ်။ နိုင်ငံအနှံ့ဖြစ်ပေါ်နေတဲ့ လူမျိုးရေးခွဲခြားမှု ဆန့်ကျင်ကန့်ကွက်ပွဲတွေနဲ့အတူ ဖြစ်ပေါ်လာတဲ့ ရုန်းရင်းဆန်ခတ်မှုတွေနဲ့ ဖျက်လိုဖျက်ဆီး လုပ်ရပ်တွေအပေါ် ပိုပြီး အာရုံစိုက်တဲ့ သဘောပါပဲ။ သမ္မတထရမ့်ကို ထောက်ခံသူတွေက ဒီအခြေအနေအပေါ် လူထုလုံခြုံရေးနဲ့ပတ်သက်လို့ အန္တရာယ်ကြီးထွားလာနေတယ်လို့ ဘာကြောင့် ရှုမြင်ကြတာပါလဲ။ ပြိုင်ဘက်ပါတီဘက်ကတော့ ဒါဟာ နိုင်ငံရဲ့ အကြပ်အတည်းကို ခုတုံးလုပ်ပြီး နိုင်ငံရေးအသုံးချတာလို့ ဘာကြောင့် ပြောနေပါလဲ။ ဗွီအိုအေ သတင်းထောက် Brian Padden သတင်းပေးပို့ထားတာကို မခွါညို ပြောပြပေးပါမယ်။
