သြဂုတ် ၁၉  

အိမ်သုံးမီတာသုံးစွဲသူများအနေဖြင့် ဇူလိုင်လမှစတင်ကာ  တစ်လလျှင် ယူနစ် ၁၅၀ကို နှစ်ကုန်အထိအခမဲ့သုံးစွဲခွင့်ပြုကြောင်း လျှပ်စစ်နှင့်စွမ်းအင်ဝန်ကြီးဌာနက သြဂုတ် ၁၈ ရက်နေ့ရက်စွဲဖြင့် ထုတ်ပြန်လိုက်သည်။

COVID-19 ကြောင့် ပြည်သူများ စီးပွားရေးအရ စိတ်ဓာတ်ရေးရာအရအကျပ်အတည်း ရှိနေခြင်းကြောင့် ဓာတ်အားခ ကျသင့်ငွေကင်းလွှတ်ခွင့် အခမဲ့ဆက်လက်ပေးသွားမယ်လို့ ထုတ်ပြန်ချက်တွင်ပါဝင်သည်။

လစဉ်သုံးစွဲသည့် လျှပ်စစ်ဓာတ်အားယူနစ်များကို ၁၅၀ယူနစ်အခမဲ့သုံးစွဲနိုင်ပြီး ၁၅၀ယူနစ်ထက်ပိုပါက ပိုသုံးစွဲသည့်် ပမာဏကိုသာပေးဆောင်ရမည်ဖြစ်သည်။ထို့ကြောင့် ယူနစ် ၁၅၀ အတွက် ကျသင့်ငွေ၁၁,၅၅၀ ကျပ် ကင်းလွတ်ခွင့်ရမည်ဖြစ်သည်။

အိမ်သုံးမီတာအမျိုးအစားနှင့် ပြည်တွင်းလူမှုအဖွဲ့အစည်းတွေသာကင်းလွတ်ခွင့်ရမှာဖြစ်ပြီး အခြားမီတာအမျိုးအစားများကတော့ ယခင်အတိုင်းပေးဆောင်ရမည်ဖြစ်သည်။

၁၅၀ယူနစ်အခမဲ့သုံးစွဲခွင့်တွင် ဇူလိုင်လပါဝင်သောကြောင့်   ဇူလိုင်လ၁၅ရက်နေ့အထိ  ၇၅ ယူနစ်သာ အခမဲ့သုံးစွဲခွင့်ရပြီး မီတာခပေးဆောင်ပြီးသူများအတွက် သြဂုတ်လတွင် ၇၅ ယူနစ်ကို ပြန်လည်ခုနှိမ့်ပေးမည်ဖြစ်ကြောင်း သိရသည်။

လျှပ်စစ်နှင့်စွမ်းအင်ဝန်ကြီးဌာနသည် COVID-19 ပြည်တွင်းကူးစက်ချိန်တွင် လစဉ်မီတာခအခမဲ့သုံးစွဲခွင့်ပြုခဲ့ပြီး ယခုချိန်မှာတော့ ၂၀၂၀ နှစ်ကုန်အထိသုံးစွဲခွင့်ပြုလိုက်ခြင်းဖြစ်သည်။