ကမ္ဘာမှာကြုံတွေ့နေရတဲ့ ကိုရိုနာဗိုင်းရပ်စ်ပိုးကာကွယ်ဆေး ထုတ်လုပ်နိုင်ဖို့ နိုင်ငံအသီးသီးက ကြိုးပမ်းနေကြတာမှာ အမေရိကန်ပြည်ထောင်စုမှာကာကွယ်ဆေးနှစ်မျိုး နောက်ဆုံးစမ်းသပ်တဲ့အဆင့် ထပ်ရောက်လာပြီဖြစ်လို့ စုစုပေါင်း ကာကွယ်ဆေး ၅ မျိုးကို နောက်ဆုံးအဆင့် စမ်းသပ်နေပြီ ဖြစ်ပါတယ်။ ဒီကာကွယ်ဆေးတွေဟာ အစွမ်းထက်ပြီး ဘေးကင်းရဲ့လားဆိုတာကို ဒီနှစ်ကုန်ပိုင်းမှာ သိရလိမ့်မယ်လို့ သိပ္ပံပညာရှင်တွေက ခန့်မှန်းထားတာပါ။ ဗွီအိုအေသတင်းထောက် Steve Baragona ပေးပို့ထားတဲ့သတင်းကို မခွါညို တင်ဆက်ထားပါတယ်။