မဇ္ဈိမ
ကာကွယ်ရေးဦးစီးချုပ်(ရေ) အငြိမ်းစား ပြည်ထောင်စုဝန်ကြီးဟောင်း အမျိုးသားလွှတ်တော်ကိုယ်စားလှယ် ဦးစိုးသိမ်းနှင့် မဇ္ဈိမ အင်တာဗျူး ပထမပိုင်းကို ဇူလိုင် ၁၅ ရက် ထုတ်လွှင့်ခဲ့ပြီး ဖြစ်၍ ယခု ထုတ်လွှင့်သော အင်တာ ဗျူးသည် နောက်ဆုံးအပိုင်းအဖြစ်ပါသည်။
ယခု ထုတ်လွှင့်သည့် အပိုင်းတွင် ရခိုင်ပြည်နယ်တွင်း ဖြစ်ပွားနေသော စစ်ပွဲကို ရပ်တန့်နိုင်မည် နည်းလမ်းကို ဘယ်လို ရှာဖွေကြမလဲ၊ တရုတ်နိုင်ငံ အပါအဝင် အင်အားကြီး နိုင်ငံများကို မြန်မာနိုင်ငံအနေဖြင့် မည်သို့ ချိန်ခွင် လျှာညှိ၍ ချဉ်းကပ်ကာ တိုင်းရင်းသား သွေးစည်းညီညွတ်ရေးနှင့် နိုင်ငံဖွံ့ဖြိုးရေးကို ဘယ်လို တည်ဆောက်မလဲ၊ ခေတ်မီတပ်မတော်ကို မည်သည့် ပုံစံဖြင့် တည်ဆောက်ကြမလဲ၊ မြစ်ဆုံစီမံကိန်းကို သမ္မတ ဦးသိန်းစိန်(ငြိမ်း) ယာယီရပ်ဆိုင်းလိုက်သည့်အခါ တရုတ်နှင့် မည်သို့ ရင်ဆိုင်ခဲ့ရသလဲ၊ ပြည်တွင်းမှာ မြစ်ဆုံစီမံကိန်း ရပ်ဆိုင်းရန် ပြည်သူလူထု တောင်းဆိုမှုများက အစိုးရအပေါ် မည်သို့ ရိုက်ခတ်ခဲ့သလဲ စသည့် အခြေအနေများကို မဇ္ဈိမ မီဒီယာမှ အယ်ဒီတာ ချစ်မင်းထွန်းက မေးမြန်းတင်ဆက်ပေးထားပါသည်။
