ပြည်သူ့လွှတ်တော်ဥက္ကဋ္ဌ ဦးတီခွန်မြတ်ကို တာဝန်က ရပ်နားရန် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USD P)က အဆိုတစ်ရပ် တင်သွင်းကာ ဆွေးနွေးခဲ့ပါသည်။ သို့သော် အဆိုမှာ ရှုံးနိမ့်သွားခဲ့ပါသည်။
အဆိုပါ အဆိုတင်သွင်းမှုကြောင့် တချို့က USDP သည် အမျိုးသားဒီမိုကရေစီအဖွဲ့ချုပ်(NLD) အတွက် လာမည့် ၂၀၂၀ အထွေထွေရွေးကောက်ပွဲ အနိုင်ရရေး မဲဆွယ်ပေးသကဲ့သို့ ဖြစ်နေကြောင်း သုံးသပ်မှုများရှိနေသည်။ အလားတူ NLD အစိုးရ လက်ထပ် ငြိမ်းချမ်းရေး လုပ်ငန်းစဉ် ရှေ့မဆက်နိုင်ဘဲ နှေးကွေးနေခြင်းနှင့် USDP အစိုးရ လက်ထပ် ငြိမ်းချမ်းရေးဖော်ဆောင်မှုကြား မည်သို့ ကွာခြားနေသလဲဆိုခြင်းအပေါ်လည်း နှိုင်းယှဉ် သုံးသပ်လျက်ရှိနေကြပါသည်။
ထို့ကြောင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)မှ ဒုဥက္ကဋ္ဌ ဦးခင်ရီကို မဇ္ဈိမ မီဒီယာ၏ အယ်ဒီတာ ဖြစ်သူ ချစ်မင်းထွန်းက တွေ့ဆုံ မေးမြန်းထားပါသည်။