အာဖရိကန်နွယ်ဖွား အမေရိကန်အမျိုးသား George Floyd သေဆုံးမှုအပေါ် မကျေနပ်တဲ့ဆန္ဒပြပွဲတွေ နိုင်ငံတဝန်းဆက်ဖြစ်နေချိန်မှာပဲ အမေရိကန်နိုင်ငံအနေနဲ့ သမိုင်းမှာမကြုံခဲ့ဖူးတဲ့ ကပ်ရောဂါဘေးဆိုးကြီးကနေ ဖြည်းဖြည်းချင်း ပြန်ရုန်းထနေရပါတယ်။

ကပ်ရောဂါကြောင့် ချမှတ်ထားတဲ့ကန့်သတ်မှုတွေ တဖြည်းဖြည်း ဖြေလျှော့ပေးလာချိန်မှာ အခြေအနေကောင်းနေပေမယ့် လိုအပ်ချက်တွေရှိနေပါသေးတယ်လို့ ပြည်နယ်အုပ်ချုပ်ရေးမှုးတွေကပြောပါတယ်။ Katherine Gypson ကသတင်းပေးပို့ထားတာကို နန်းလောင်ဝ်က ပြောပြပါမယ်။